Iaroh u Amit Shah ia ki shipai ka Assam Rifles kiba lan lade ban iada ia ka Ri

U Myntri Sorkar Pdeng ba dei khmih ia ka Tnat Kam Pohiing bad Tnat Cooperation, u Amit Shah mynta ka sngi u la leit jngoh ia ka HQ Directorate General, Assam Rifles ha Laitkor, Shillong. U Myntri Sorkar Pdeng ba dei khmih ia ka Tnat Kam Pohiing u la buh syntiew ha ka War Memorial ha Assam Rifles Headquarters bad pyndon burom ia ki riewshlur kiba la aiti ia la ka jingim ha ka kam.
U Shah u la iaroh ia ka jingskhem jingmut jong ki shipai ka Assam Rifles, ki jinglenlade jong ki riewshlur jong ka Assam Rifles na ka bynta ka jingshngain jong ka ri jong ngi kilong kiba khraw bad ka ri ka sngewnguh shirta ia ka jinglenlade ka jong ki.
U Myntri ka Tnat Kam Pohiing jong ka Sorkar Pdeng u la plie ia ka Cyber Security Operations Center ha HQ DG AR hynnin ka sngi, ka ban iarap ia ka kynhun shipai ban tehlakam ia ki kam beain lyngba ka bor internet.