Nga kwah ban ai ka jingkhublei ia u Myntri Rangbah ka Jylla bad iaka kynhun jong u namar kidei kiba don sap bha ban khwai. Ia kane la kren da u President ka Voice of Voice of the People’s (VPP) u Bah Ardent Miller Basaiwmoit uba dei ruh u MLA ka Nongkrem Constituency.
Ia kane u Bah Ardent u la kren hashuwa ban shim bynta haka Motion ba u la wanrah hapoh ka iingdorbar thawaiñ ka Jylla hynne ka sngi. “U Myntri Rangbah ka Jylla bad ka kynhun ba ïalam iaka Sorkar ki don shisha ka sap ban khwai namar ki lah lah ban khwai haduh 3 ngut ki MLA na kane ka liang” la ong u Bah Ardent.
Ha ka juh ka por u Bah Ardent u la kitbot ia u Myntri Rangbah ka Jylla ba un ioh noh iaka met kaba koit kaba khiah khnang ba un lah ban wan shim bynta haka dorbar ka ban kut haka 30 tarik mynta u bnai.
