Ka Blackberrys, kaba long ka kompany ba paw bha ha kaba iadei bad ki jain phong shynrang jong ki nong India kadei ka kompany kaba la paw bha ha kaba iadei bad ka jingpynmih ia kine ki jainphong kiba bha bad kiba la suh itynnad katkum ki buit stad thymmai mynta la kumba laiphew snem ka rakhe ia ka sngi burom ia ki kpa ne Father’s Day da kaba ka la iohi ia ka jingaiti lut bad ka bor jong ki kpa ban ai mynsiem ia ki khun jong ki ba kidei ban #nangkiewshaphrane ne #KeepRising wat hapdeng ki jingeh kiba bun. Ban rakhe ia kito ki kpa kiba long kumne, ka Blackberrys, ka la pynmih ia ka byrta ka shula ne ka jingpynbna paidbah ha ka sngi burom ia ki kpa kaba ktah mynsiem bha ha kaba ia kane ka jingialap paidbah la ak da u actor uba paw bha u Randeep Hooda bad u kpa jong u u Ranbir Hooda. Kane ka kompany ne ka brand ka niew burom bha ia ki kpa kiba khlain ka mynsiem, kiba shlur kiba ialam ia ki khun jong ki ba kin poi sha ka thong ba pura jong ki.
Kane ka kompany ba pynmih ia ki jainphong jong ki shynrang ha India, ia kaba la tip kum ka ‘fit expert’ ka India, ka la pyllait ia ka byrta ka shula ne ka jingpynbna paidbah ha ka sngi rakhe ia ka sngi burom jong ki kpa ha kaba la don u aktor uba pynpaw ia ka jingsngewnguh ia u kpa jong u uba long kum ka lyer kaba beh ia ka thapniang jong u bad uba iarap ban khynniat ia u ba un poi sh aka thong ba pura jong u. Ha kane ka byrta ka shula la pyni ia ka jingiadei hapdeng jong u Randeep Hooda bad u kpa jong u, uba don ka bynta ba kongsan bha ha ka jingjop jong u ha ka kam ak phlim.
Da kaba phong ia ki jainphong jong ka Blackberrys, kine ki ar ngut ki la iakren para maki, da kaba sngewnguh ia ka jingailad bad ka jingshaniah ba la ai da u kpa jong u ia u, bad kane ka la saindur ia ka kam ba u trei bad ia ka jingim jong u. U Randeep Hooda u ong, “U Kpa jong nga udei u paia ba skhem jong ka jingkhlain jong nga, uba pynshlur ia nga ba nga dei ban iaid shaphrang ban pynurlong ia ka jingangnud jong nga bad watla nga iakynduh ia kino kino ki jingeh nga dei duh mynsiem hynrei nga dei ban ia khun pyrshah ia ki ba ngan lait na kine ki jingeh ne ba ngan kiew shalor. Nga sngew tynnad ban ioh ban iadon bynta ban ka brand kum ka Blackberrys kaba rakhe ia ka mynsiem ba skhem ne ka mynsiem bym shah ialam bakla ha ki shynrang.”.
