Ka HDFC Life dang shen ka la pynbna ia ka jingtreikam jong ka ha kaba iadei bad ka jingiatehlok bad ka Peerless Financial Products Distribution Ltd. (PFPDL). Ka jingthmu jong kane ka jingiatehlok ka long ban nang pynkhlain shuh shuh iaka jingtreikam bad ka jingdon jong ka HDFC Life’s, khamtam ha ki nongbah kiba don ha ka kyrdan ba 2 bad ba 3, da kaba shim kabu ia ka jingdon jong ka PFPDL ha ki 42 tylli ki jaka. Ka PFPDL, kaba long ka shnat ba hapoh jong ka Peerless General Finance & Investment Co. Ltd (PGFI), ka sarong ia ka jingdon jong ka ha ka thain mih ngi ka India da ka jingdon jong ki 40 tylli ki shnat bad ka jingdon jong ki nongbuh pisa kiba ha ki bynta treikam bapher bapher. Lyngba kane ka jingiatehlok, ka PFPDL mynta kan jingtyrwa ia ka HDFC Life’s life insurance, ban nang pynklain shuh shuh ia ka jingiada ia ki nongbuh pisa ha kaba iadei bad ka jingbuh pisa jong ki. Kane ka jingtreikam ka la wan ha ka por kaba kongsan bha ha kaba ka India ka mad ia ka jingeh namar ka jingduna ha ka jingbuh jong ki briew ia ka life insurance, kaba pynpaw ba donkam ban don ia ka jingbuh pisa kaba shngain hapdeng ki nongshong shnong.
U Satyaki Bhattacharya, Managing Director & CEO jong ka Peerless Financial Products Distribution Ltd., U la pynpaw ka jingsngewkmen halor kane ka jingiatehlok, da kaba ban jur halor ka jingtrei ba radbah kumno ban pynlong ia ki nongbuh pisa ba kin long kiba shngain ha ka rukom buh pisa. U la pynpaw ruh ia ka jingiatreilang hapdeng ka Peerless Group’s kaba long ka shnat kaba phai khmat bha sha ki nongbuh pisa bad ka HDFC Life’s, ha kaba ka la iohi jngai ba yn lah ban pyniar ia ki shnat treikam bad kaba lah ruh ban poi shaduh palat jong ki nongbah kiba ha ka kyrdan ba 2.
U Suresh Badami, Deputy Managing Director of HDFC Life, u la ban biang ia ka jingkren jong u Bhattacharya, da kaba ong ba kane ka jingiatehlok ka long u mawjam ba kongsan ban pynurlong ia ka jingangnud jong ka India kata ka ‘Insurance for All’ ne ka ‘Jingbuh insurance da baroh’ kat ha ka snem 2047. U la ban ruh ruh ba ka jingtreikam ba kongsan jong ka HDFC Life bad ka jingshakri ban wanrah ia ki lad ki lynti kiba iadei bad ka jingpynsuk ha ka rukom buh insurance sa kito kiba buh pisa ia ka PFPDL, bad kane kan nang pynkhlain ia ka jingiatehlok. Ha ka snem mang tyngka 2024, ka HDFC Life ka la ai jingiada ia palat 66 million ngut ki jingim briew, bad ka long ruh ka jingsarong ha kaba kumba 99.7% la lah ban pynbit pynbiang ia ki claim ne ka jingwankam ia ka pisa. Da kane ka jingiatreilang, ka jingthmu jong ka kompany ka long ban nang pynkhlain shuh shuh ia ka jingtreikam jong ka ha ka thain mihngi bad kumjuh ruh ban pyniar ia ka jingtreikam wat sha kiwei ki bynta jong ka ri.
