Iasoi kular ka Sorkar India, ka sorkar Tripura bad ka TIPRA

New Delhi, Lber:La soi ia ka jingiakut ha ka jingiadonlang u Myntri ka Tnat Kam Pohiing bad Cooperation, Amit Shah, hapdeng ka Sorkar India, ka Sorkar Tripura bad ka Indigenous Progressive Regional Alliance/TIPRA, kaba tip ruh kum ka TripraMotha bad kiwei kiwei kiba don bynta ha kane ka kam ha New Delhi mynta ka sngi Ha kane ka sngi, u Amit Shah u la ong ba kane ka dei ka sngi kaba kyrpang ia ka Tripura bad lyngba kane ka jingiakut, ngi la peit ia ka lawei da kaba burom ia ka histori, ka jingkylla bad ka jingpdiang ia ki jingshisha kiba mynta. U la ong ba ym don manomano ba lah ban pynkylla ia ka historihynrei ngi lah ban iaidshaphrang da kaba ioh jinghikai na ki jingbakla bad da kaba kynmaw ia ki jingshisha kiba mynta. U la ong ba ka TripraMotha bad baroh ki kynhun riewlum ki la don ka bynta kaba khraw ha kane. U Myntri Kam Pohiing u la ong ba ka Sorkar Tripura ka la shim shibun ki sienjam na ka bynta kane. U la ong ba ha ka jingpynurlong ia ka jingthmu u Myntri Rangbah Duh, Narendra Modi ban don ka Viksit Bharat, ka Tripura ruh kan hap ban pyndep ia la ka kamram bad don la ka bynta bad ba kan iaidshaphrang kum ka Viksit Tripura. U Myntri ka tnat Kam Pohiing u la ong ba hapoh ka jingialam jong u Myntri Rangbah Duh Modi, ka tnat ka la shim ia ki sienjam ban don ka  thain shateilammihngi kaba lait na ki kam pyntriem, ka bym don ki jingiathut, bad kaba lait na ki jingiaumsnam. U la ong ba namar jong ki jingiakut bapher bapher da ka Sorkar Modi, kumba 10 hajar ngut ki briew ki la iehnoh ia ka jingkiengatiar bad ki la wanphai sha ka imlang sahlang bad ba kane ka la wanrah ia ka jinglong jingman kaba plie lad ia ka roi ka par.

U Amit Shah u la ong ba la ka dei ka jingiakutBru-Reanglane ka jingiakut shaphang u pud u sam, baroh ka la sdang da ka Tripura bad mynta ruh ka dei ka jingiakutna ka bynta ka Tripura. U la ong ba la don ka jingiakut ha u snem 2019 bad ka NLFT (SD), ha usnem 2020 kiba long ka jingiakutBrubadBodo, ha u 2021 ka la don ka jingiakutKarbi-Anglong, ha u 2022 ka la don ka jingiakutTribal bad ka jingiakut shaphang u pud u sam jong ka Assam-Meghalaya, ha u 2023 ka la don ka jingiakutshapang u pud u sam Assam-Arunachal Pradesh, ka jingiakutDimasa, UNLF bad ka jingiakut ULFA. U la ong ba ka Sorkar Modi ka la trei ban pynkut ia ka jingshem jingeh ki briew da kaba iakren bad ki lyngba 11 tylli ki jingiakut kiba iadei bad u pud u sam, ka jinglong tynrai, ka ktien ka thylliej bad ka deiriti. U Shah u la ong ba lyngba kane ka jingiakut mynta ka sngi, ka Tripura ka la jam shaphrang ban long ka Tripura ka bym don ka jingiathut. U la ong ba mynta phim hap ban shem jingeh ban ioh ia ka hok bad ba ka Sorkar India kan wan shakhmat ban wanrah ia ka rukom treikam kaba iada ia ka hok jong baroh.