Iatehlok ka NSE bad ka IFC bad ka Climate Bonds Initiative na ka bynta ka lympung jingialang na ka bynta ka jingbei tyngka kaba iaineh  

Ka National Stock Exchange jong ka India (NSE) ka sngewbha ban pynbna ba la pyndep ia ka jingialang ple ia ka lympung ba la shna kyrpang da ka jingphai khmat sha ki bynta bapher bapher kiba iadei bad ki karkhana jong ka India. Ia kane ka lympung jingialang la pynlong ha Mumbai ha ka 3 tarik U Iaiong, 2024, bad ha New Delhi ha ka 5 tarik U Iaiong 2024, ha ki jaka bapher bapher. Ka International Finance Corporation (IFC) bad Climate Bond Initiative (CBI) ki la iasnohkti lang ban pynlong ia kane ka lympung jingialang ba la ai kyrteng ‘Deep Dive in Green, Social, and Sustainability (GSS) Bonds Issuance Process’, ia kaba la ai jingkyrshan pisa da ka HSBC bad ka The Kingdom of the Netherlands.

Ka jingthmu jong kane ka prokram ka long ban wanrah ia ka jingpynduna ia ka jing jngai ha ka liang ka rukom bei tyngka ha kaba iadei bad ka jinglong jingman ka suinbneng ha India da kaba wanrah ia ki jingtip bad kyntiew ruh ia ka jingiaphylliew jingmut ha kaba iadei bad ka GSS. Kane ka jingialang ka wanrah iaka rynsan na ka bynta kito kiba ia don bynta ha ka kam ba kin don ka jingiakren bad wad ia ki lad ki lynti kiba iadei bad ki rukom bei tyngka ban kyntiew ia ka roi ka par ha ka rukom kaba iaineh. Ki nongiashim bynta na ki shnat kiba iadei bad ka bei tyngka, ki bynta treikam bapher bapher bad kiwei kiwei ki karkhana ki la iashim bynta ha ka jingiatai kaba iadei bad ka jingbei tyngka bad ka jingiaineh, ha kaba ki jingiakren ki la long ha ka phang kaba kynthup ia ka jingsiew ia ka pisa ne ka labelled bond universe, ka rukom ha treikam ha shwa ban siew pisa bad hadien ba siew pisa ne ka pre- and post-issuance processes, bad ka jingai ia ka GSS bond katkum ka ri.

U Ashishkumar Chauhan, MD & CEO, NSE, u la ong, “Ha kane ka por, katba ngi dang don ha ka jing ia pyrshang ba tyngeh ban wanrah ia ka jingiaineh ha ka liang ka bei tyngka, ka lympung jingiakren halor ka GSS Bonds ka long kum kawei na ki sienjam ban kham kyntiew ia ka rukom bei tyngka ha kaba iadei bad ka jinglong jingman ka suinbneng ha India.”