Ka Martin Luther Christian University ka la pynlong ïa ka jingïalang ba kyrpang kum ka jingrakhe ïa ka jingkoit jingkhiah ha ka bor pyrkhat pyrdain ne ‘World Mental Health Day’ kaba la pynlong ha Herman Hall, Divine Savior Parish, Nongthymmai. Ia ka prokram la pynlong da ka Tnad Psychology ha ka jingiatreilang bad ka tnad pule puthi bad ka jaka iasyllok kaba la pynshong nongrim halor ka phang, “Ka la dei ka por ban pynkhreh nyngkong ia ka Koit ka Khiah ha ka jaka Trei.” Ka jingïalang ka pynpaw ïa ka jingdonkam ka jingkoit jingkhiah ha ka bor pyrkhat ha ki jaka treikam bad ki lad ba lah pynbeit ia ki jingeh ka koit ka khiah ha ka bor pyrkhat ha ki jaka trei.
La ioh ka jingkren ai khublei na ka kong Aliscacia M Swett, Deputy Registrar jong ka skulbah, kaba la buh ia ka sur na ka bynta ka sngi da kaba pynksan ia ka jingdonkam ban thaw kyrshan ha ki jaka trei. Hadien kane la pynbud da ka jingrwai medley ba kyrpang da ki samla pule B.Sc. Katba ka Olivia A.I. Bang, ka nongiasaid ain ryngkat bad ki paralok haba ai jingkren, ka pynpaw ia ka jingdonkam ban peit bniah man ka por ia ka jingkoit jingkhiah ha ka bor pyrkhat-ha jaka trei ban pynthikna ka jingbha jingmiat ki nongtrei.
Hadien la ioh ka jingiathir nia kaba la ïalam da u Dr. T K Kharbamon, Vice-Chancellor bad Dr. George Kallingal, Clinical Psychologist uba la ai ia ki jingmut ba kordor shaphang ka jingiadei hapdeng ka jinglong mynsiem, ka jingtreikam ki briew bad kumjuh ka jingktah jong ki ia ka jingkoit jingkhiah ha ka bor pyrkhat ha ki jaka trei. Ha bynta ba khatduh, la ïalam da u Counsellor Maryobiang Pyrtuh, ba donkam ban pynleit jingmut ba ïa dei bad ka jingeh ha ka jaka trei bad ka jinglong jingman ha ki skul, kaba ai ki buit kiba lah ban treikam na ka bynta ban pyniaid beit bad ka jingpynduna ia ka jingkhuslai ha ki jaka pule. Ha kaba ki nongshim bynta ki la ioh lad ban pynpaw ia ki jingeh ba iadei bad ka jingkoit jingkhiah ha ka bor pyrkhat ha ka jaka trei bad wad ia ki lad ki lynti kiba lah ban weng ia ki jingeh.
