U Myntri Rangbah ka Jylla u Conrad Kongkal Sangma hynne ka sngi ula iashim bynta ha ka Stakeholders and Consultative Meeting bad ki Rangbah Shnong jong ka Greater Shillong Planning Area on Waste Management & Urban Rejuvenation ban wan rah ia ka jingkhuid bad ka jingitynnad ka nongbah Shillong.
Ha katei ka jingialang la iadonlang u Symbud Myntri Rangbah ka jylla u Bah Sniawbhalang Dhar, u Chief Secretary ka jylla u Bah D.P Wahlang, ki heh ophisar sorkar bad ki Rangbah Shnong na ki shnong bapher bapher.
Ha ka jingialang, la pyni ia ki jingbatai ba bniah halor ka jingpynkhuid bad ban pynkhie im ia ka Wah Wahumkhrah, ka rukom lum ia ki niut bad ka la don ruh ka jingiasyllok halor ki sienjam ban iaid shakhmat da ka jingiashim bynta lang jong ki shnong ki thaw.
U Myntri Rangbah ka Jylla ula iakren bad ki nongiashim bynta bad jubab ruh ia ki jingkylli ki jong ki, ha kaba ia dei bad ka jingpynitynnad, pynduna ia ka jingkhap ngiah bad ka jinglum jinglang ia ki nuit, ki nongdie madan bad ki jaka ban shong die madan bad kiwei kiwei.
