Ka IIM Shillong ryngkat bad ka jingiatreilang bad ka Consortium of Accredited Healthcare Organizations (CAHO) ka la pynlong ia ka Online Master Class kaba ar sngi kynthih halor kumno ban peit ia ka koit ka khiah.Kane ka dei ka jingsdang ia ka Executive Program kaba hynriew bnai halor ka Healthcare Management, ka ban sa pynlong da kitei ki ar tylli ki Institutes, ka ban sa sdang ha u bnai Jylliew mynta u snem. Ka jingthmu ba pyllong ia kane ka Master Class prokram ka long na bynta ban pynkhreh ia ki nongiashim bynta ban snngewthuh ia ka jingthmu jong kane prokram ka koit ka khiah bad ban ai ka jingshakri kaba bha tam sha ki nongpang.U President ka CAHO u Dr. Vijay Agarwal, haba kren ha kane ka sngi u la ban jur halor ka thong bad ka jingiohi jngai jong ka CAHO.
Ula batai ia ka jingiaid lynti jong ka Organization bad ka jingpynleit jingmut jong ka ha ka liang ka koit ka khiah khnang ba kan lah ban long kawei na ka International Institute kaban shakri hok ia ki nongpang bad ban ai jingiarap ha kano kano ka liang.U Prof. Sanjeeb Kakoty ula kren halor ka kam bad ka jingtrei ka IIM Shillong na bynta ban ai ka jingmyntoi bad ka jingshakri ia ki paidbah ka thain bad ka jylla baroh kawei.Ula ban jur halor ka jingdonkam ban iatreilang na bynta ban poi sha ka thong.
U Dr. Lallu Joseph u Secretary General ka CAHO, ula ban jur halor ka jingdonkam jong ka Healthcare Management bad ki rukom ai jingiada ia ki nongpang.Ka la iatai ruh halor ki sienjam ba ka CAHO kan shim hadien habud ryngkat bad ka jingiatreilang bad ka IIM Shillong na bynta ban kyntiew bad ban wanrah ia ka koit ka khiah ba biang tam ha ka ri baroh kawei.Ha kane ka prokram la wan iashim bynta kumba 262 ngut ki nongiashim bynta na kylleng ka ri bad na bar ri.
