Shah jied ka Tata AIA Life Insurance (Tata AIA), kaba long kawei na ki shnat ai jingshakri ha ba paw ha ka ri ha kaba iadei bad ka jingai life insurance ha ka sorkar Nagaland ban pyniaid ia ka Chief Minister’s Universal Life Insurance Scheme (CMULIS). Lyngba kane ka skhim, ki nongkamai ba kongsan jong ka iing kin ioh ia ka life insurance kaba 2 lak tyngka.
Ka jingthmu jong kane ka skhim ka long ban ai jingkyrshan pisa ia ka longing kaba ki donkam lada don ka jingkhlad noh jong u ne ka nongkamai ha iing. Ka jingthmu ba kyrpang ka long ban iarap ia kito kiba duna ha ka ioh ka kot ha ka imlang sahlang, kum ia kito kiba trei ha ki jaka trei ki bym pat da
Kum shi bynta jong kane ka skhim, u ne ka wei ka dkhot jong ka longing kiba naduh ka rta 18-60 snem la lah ban long ki nongkamai ba kongsan jong ka iing. Haba kren shaphang kane, u Shri Neiphiu Rio, u myntri rangbah ka jylla Nagaland, u ong, “Nga sngewkmen ban iatreilang bad ka TATA AIA Life Insurance bad pyllait paidbah ia kane ka skhim na ka bynta ki nongshong shnong kiba trei ba ktah jong ka Nagaland. Lyngba kane ka prokram, ngi la lah ban pynioh ia ka Life Insurance sha ki briew ka Nagaland. Ngi kyrmen ban pynrung ia baroh ki nongshong shnong kiba kamai kajih jong ka Nagaland hapoh kane ka skhim, khnang ba yn lah ban pyntikna ia ka jingshngain jong ki longing longsem ha ka liang ka jingdon ia ka pisa tyngka. “
