Ka Vi Business, ka tnad treikam jong ka kompany telecom ba pawka Vi, ka la pynbna ia ka jingiatreilang jong ka bad ka Infinity Labs Ltd. ban wanrah ia ka Make-In-India SD-WAN Solution kum ka bynta jong ka Hybrid SD-WAN portfolio. Kane ka jingiatreilang ka nang kham pynbha shuh shuh ia ka jingtreikam da kaba buh ia ki lad jingiada kiba shngain ia kiba la pyniaid beit da ka AI, ha kaba ka la buh ha khmat ia ki jingtyrwa ban wanrah ia ki jingiada kiba khlain na ka jingshah thombor lyngba ka cyber kiba nang bun katba nang mih ki sngi bad kane ka pyni ia ka jingkut jingmut jong ka Vi Business ban buh ia ki technology kiba treikam kiba thymmai bad ha kajuh ka por ba nang iarap ban pynsan ia ki buit treikam thymmai.
Ki kyndon treikam kiba iadei bad ki jingiada kiba khlain ki long kiba donkam bha khnang ba kino kino ki kam khnang kin nang san bad nang kiew khamtam ha kaba iadei bad ki khaii pateng lyngba ka digital. Ia ka Hybrid SD-WAN la shna ban iarap ia ki jaka treikam da ki lad ki lynti ba la tip kum ka Hybrid Network, Integrated Security, Intelligent Routing, Monitoring, bad Analytics.
Kane ka jingiatreilang bad ka Infinity Labs Ltd kan nang iarap shuh shuh ia ki kam khaii kiba pyndonkam ia ka Vi Business Hybrid SD-WAN kaba don ia ki jingtreikam ba shngain ba la leh da ka AI khnang ba yn lah ban lap lada don kini kino ki jingma, ka jinglah ban ai ia ki jubab da lade hi, bad ban iada ia ki jingtip ba donkam ha ka rukom kaba paka. U Rochak Kapur, EVP, Vi Business, u la ong, “Kane ka jingiatreilang bad ka Infinity Labs Ltd. kan ai lad ia ngi ba ngin lah ban ai ia kane ka jingtreikam jong ka SD-WAN Solution kaba la pynmih hi ha kane ka ribad kaba don ha ka ia ki jingiada kiba skhem bad shngain bad kumjuh ruh ban batai shaphang ka jingiaid lynti na ka bynta ka pateng ban sa wan.” “Ngi sngewkmen ban pyntip ba ngi lah ia treilang bad ka Vi Business ha kane ka jingpyrshang jong ngi kaba khraw.” ong u Rakesh Goyal, CEO & MD, Infinity Labs Ltd.
