Ki shipai BSF mynta ka sngi ki la ioh bat ia ki kali kiba thmu ban shalan beain ia ki masi bad u Rynsun sha Bangladesh. Ha ka jingkhynra, ki shipai ki la ioh bat ia ar tylli ki kali pick-up kiba la kit ia ki masi bad ki rynsun kiba shongdor haduh T. 15 lak. Katkum ka khubor na ki shipai BSF, la ong ba ia kine la thmu ban shalan beain sha Bangladesh lyngba ki jaka khappud jong ka East Khasi Hills bad South Garo Hills district.
Ia ki kali Pick-up la iohbat da ki shipai 22 Bn BSF kiba la buh hajan khappud ha South Garo Hills. Ki shipai ki la iohbat ia ar tylli ki kali bolero pick-up ki don ia u Registration No- ML 08 K 3955 bad No- AS 18AC 7177 kiba la kit haduh 40 tylli ki masi ba thmu ban shalan sha Bangladesh. Ia kine ki kali bad ki masi la aiti sha ki pulit na bynta ba kin leh ia kaba donkam.
Ha kawei pat ka jingkhynra, ki shipai na ka 110th Battalion BSF ki la ioh kurup haduh 5,320 kilograms u Rynsun ha khappud jong ka East Khasi Hills. Ia kine ki rynsun la aiti sha ki pulit ka custom na bynta ba kin leh ia kaba donkam.
