Ïoh jingithuh ka Shruti Pradhan kum ka Chartered Accountant na Shillong

Ka Eastern India Regional Council of the Institute of Chartered Accountants of India (ICAI) kala ai jingithuh ia ka Chartered Accountant na Shillong ka Shruti Pradhan halor ka jingsynniang ka jongka ha kaba iadei bad ka Accountancy. Mynta u snem ka ICAI kala ai jingithuh ia ki 75 ngut ki kynthei bad ka Shruti kadei kawei napdeng kine kiba la ioh jngithuh na ka ICAI halor ka jingnoh synniang halor ka Accountancy. Naduh usnem 2020, ka Shruti kala trei shitom ha kaban ai jingbatai bad jingnang jingstad ia ki paidbah ha ka ‘Financial Lieracy’ khamtam eh na ka bynta ki nongsen kam lajong. Ka Shruti kala iathuh ba ha ki 14 snem ki jongka hapoh ka jylla Meghalaya, haba ka leit shano shano ruh la kadei ha sor ne nongkyndong, kala lap ba kiba bun hi kynthei ki dei kiba trei ia ki kam kiba rit baria ban kamai jakpoh.

“Ka lah ban dei ka dukan kaba don ha kyndong, ka dukan sha ne dukan jadoh ne kajingdie ia marbam kiba man la ka sngi hynrei kiba bun hi kidei kiba la pyniaid da ki kynthei” ong ka Shurti.Ka Shruti kala ong “Lada ngam bakla haka por ba nga wan sha Shillong ha u snem 2010 kila don tang 8 ngut ki Chartered Accountant ha ka jylla baroh kawei. Ym shim la don ka kynthei ban long ka CA bad bun ki paidbah kim da don jingtip than ia kane ka jingdonkam kaba kongsan ha ka jingim ka jongki. Kala donkam ban ai jinghikai ha kaba iadei bad jngnang jingtip ha kaba iadei bad ka kamai kajih ne ka ioh ka kot na ka bynta ki paid riewlum ka Meghalaya, namar ba kala don ka jingiohnong na ka jinglait ban siew ia ka khajna kala don pat ka jingbym kheiñsnep ha kaba iadei bad ka jingpynlang ia ka pisa bad ka jngbei tyngka”.

Kala iathuh ba kala sdang ban iashimbynta ha kaban ai jinghikai ha kaba iadei bad ka financial literacy bad fund management ha ki workshop kiba la pynlong da ki tnad sorkar bad ki kynhun shimet. Nangne kala sdang ban don ia ka jingiadei bad ka jingiajan bad kito kiba seng kam lajong ha ka jylla bad kala trei kum ki nongaibuit bad bun ngut ki nongseng kam lajong hynrei ka dap da ka jingsngew sarong ban iadonbynta bad ki kynthei kiba seng kam lajong. Ka jingioh jingithuh ka Shruti kadei halor ka jingnoh synniang ka jongka ha ka jylla bad khamtam ha kaba kala iaid shakhmat ruh ha kaban ai mynsiem ia ki kynthei ban long kiban ym shaniah ha kiwei ha kaba iadei bad ka jingkamai kajih.