Ka Vision Spring Foundation (VSF) na New Delhi ryngkat ka World Vision International na United Kingdom ki wan sha Jylla Meghalaya ban ai jingsumar khmat ei ia ki khynnah skul naduh 7 snem haduh 18 snem ha ka thain Mawsynram, East Khasi Hills.Ia kane ka jingsumar khmat ei (Free Eye Check-up Camp) la pynlong saw sngi naduh 13 haduh 16 tarik Naiwieng kynthup ia ka skul Rev. JJM Nichol’s Roy L.P & U.P. School, Seng Khasi L.P. & U.P. School, St. Francis Xavier School, Mawsynram Higher Secondary School lem bad ar tylli Residential School ka Jawahar Navodaya Vidyalaya (JNV) ha Shnong Mawsynram bad ka JNV ha Mawphlang. Ki don palat 1011 ngut ki khynnah skul kiba la ioh ia ka jingsumar khmat ei ha kine ki saw sngi. U Bah Banshai Marbaniang ula iathuh ha ka jingsumar khmat la shem ia ki khynnah skul kiba
don ki jingpang khmat bapher bapher khamtam haba phai ha kane ka juk mynta ki pyndonkam mobile bad kiwei kiwei ka la ktah ia ka bor iohi ki khmat, hadien ba la eksamin da ki doctor ki don ruh kiba la ai da ki itt khmat katkum ka jingdonkam jong ki. La aithuh ki nongsumar khmat ba la wan shim bynta ki long u Suraj Kumar Mehata, Gayatri Gogoi, Priyanka Das, Sadhana Kumari, Santana Borah bad Clement Songate kiba dei na Delhi, Rajasthan bad Assam.U Bah Banshai Marbaniang u la ai khublei ia ki Principal, Headmaster bad Headmistress jong baroh ki Skul kiba la pdiang ban shim ia kane ka bynta khlem da pynslem watla hapdeng Examination ka ban sa long ha ki khyndiat sngi ban sa wan.
U ai khublei ruh ia ka Tnat PWD (Roads) kaba la pdiang ban ai lad ia ki Nongsumar ban sah IB na ka bynta ka jingdonkam ban pyndep ia kane ka program kumba la wanrah bad u ai khublei ruh ia ki Nongsumar kiba la wan na ka Vision Spring Foundation (VSF) bad ka World Vision International kiba la pdiang ban pynlong prokram ha Shnong Mawsynram.U la pynpaw kane prokram kan iarap ia ki khynnah kiba shitom khmat bad mynta ki la ioh ka jingsumar ei ba kyrpang lem bad ki ïitkhmat ba kin suk ban pule pule kot kahtam ha ki eksam ban sa long shen.
