Ïoh jingsumar khmat ei ki nongshong shnong ka Umta

Shibynta ban pyniar ia ka jingshakri paidbah khamtam ia kito kiba wan na ka longiing bym lah kot bor ban phah sumar sha ki jaka sumar kiba biang, ka kynhun jong ki arngut ki doctor ba la paw ha ka liang ka jingsumar khmat, ki la pynlong ia ka prokram ai jingsumar khmat kaba khlem kano kano ka jingsiew ha ka shnong Umta, Ri Bhoi District.

Ia kane ka prokram ai jingsumar khmat kaba khlem jingsiew, la pynlong da ka kynhun jong ki doctor sumar khmat ba la paw ba kynthup ia ka Dr. Minakshee Buruah (M.S) bad ka Dr. Geetanjali Bori (M.S) ha ka jingiatreilang ruh bad ki bor pyniaid ka Bamaeri Resort lem bad ka jingiatreilang bad ki bor pyniaid shnong ka Umta.

Lyngba kane ka prokram, ai jingsumar khmat kaba khlem don kano kano ka jingsiew, ka la pynmyntoi ia ki paidbah nongshong shnong ka Umta lem bad ki shnong kiba marjan ha kaba la wan ban shimbynta naduh ki khyllung khynnah, ki khun samla, ki longkmie bad kiwei kiwei.