Ha ka sienjam ban pynkhlain ia ki lad ka leit ka wan ha ki jaka nongkyndong bad pynsted ka jingkiew ka ioh ka kot ha ka thain shateilammihngi, ka Tnad Rural Development ka la sanction 88 tylli ki surok ba 782.155 km bad 55 tylli ki jingkieng hapoh ka Pradhan Mantri Gram Sadak Yojana-III (PMGSY-III), ha ka jingbei tyngka kaba T. 1,056.82 klur ia ka jylla Meghalaya.Ha ka jingbtengia kane ka sienjam, ladep sanction 55 tylli ki surok ba 443.26 km ha ka jingbei tyngka kaba T. 412.34 klur ha ka Jylla hapoh ka PMGSY-III.
Kane ka sienjam kalong:
– Ban kyntiew ka jingioh ia ki jingshakri ba kongsan kum ki lad ai jingsumar, ka pule puthi bad ki iew.
– Ka jingkyntiew iaki lad ka leit ka wan ha ki jaka nongkyndong, da kaba pyndap ia ki jaka
ba suda hapdeng ki shnong bad ki jaka sor.
– Ka jingkyntiew ia ka ioh ka kot, ka khaii pateng ha ka thain
– Ka jingplie ki lad ioh kam bad pynshlur ia ki lad kamaikajih ha ka thain
– Ka iahap bad ka thong jong ka sorkarna ka bynta ka thain shateilammihngi kaba seisoh bad ka India kaba la kiewshaphrang (Viksit Bharat)
Ki projek hapoh ka PMGSY-III kin wanrah jingkylla ha ka thain, bad nohsynniang sha ka jingkiew shaphrang bad ka jingseisoh jong ka thain shateilammihngi bad pynkhlain ia ka jingkut jingmut jong ka sorkar na ka bynta ka roi ka par kaba kynthup ia baroh.
