Ka Rapido ka la loh pdiang haduh kumba $200 million ha kaba iadei bad ka Series E funding bad kane kadei u mawjam ba kyrpang ha ka jingiaid lynti jong ka ban wanrah ka jingkyila ha ka jingpyniaid ia ki kali ban kamai ha kylleng ka ri. Haba kren shaphang ka jingbei tyngka u AravindSanka, Co-founder jong ka Rapido u la ong “Da kane ka jingbei tyngka, ngi thrang ban nang pyniar ia ki jingtyrwa jong ngi, bad pyntikna ba ngin lah ban pynbiang ia ki jingdonkam jong ki nongshong kali kamai. Ha kine ki snem ba la dep, ngi la ioh mad ia ka jingkiew ha ka kam, ha kaba ka jingpyndonkam ia kine ki kali ar shaka ka la kiew shaka 2.5 million man la ka sngi.
Kane ka jingbei tyngka kan nang ai bor ia ngi ban bteng ban wanrah ia ki but thymmai bad pynbha shuh shuh ia ka jingshakri jong ngi, bad kan iarap ia ngi ban gin lah ban ai ka jingshakri kaba bha sha baroh ha kaba ladei bad ka jingpyniaid ia kine ki ar shaka ha ki jaka sor sha baroh.” U Sumir Chadha, co-founder bad Managing Partner ha WestBridge Capital, u ong “Ha kine ki san snem naduh ba la sdang ban bei tyngka nyngkong eh ha ka Rapido, ngi la iohi ja u Aravind, Pavan, Rishikesh ba ka kynhun ki la pynkylla ia kane kum ka rynsan ba paw bha ha India kaba lah pynbiang ia ki kali kamai kiba duna dor.
Naduh ki kali kamai ba ar shaka sha ka jingwanrah ruh ia ka 3W auto bad kiwei ki kali kamai, ka jingkiew jong ki ka long kum ka jingpynpaw ia ka jingkhlain ha ka rukom treikam bad ka jingtrei tyngeh ban phai khmat sha ki jinghun jong ki nongshong bad ki nongniah. Ngi ai khublei ia ka kynhun halor ka jinglah ban pynkiew ia ka pisa, bad mynta ka la buh la ka Rapido kum kawei na ki App ba pyndonkam bha da ki briew ha India. Ka jingioh ia ka bei tyngka kaba mynta ka pyni ia ka jingtrei ba radbah jong ngi ia ka Jingiaid lynt ng ki”.
