Ka Samla Alicia Bakor Phanwar kala ioh ia ka khusnam Exchange4media News Broadcasting Awards (ENBA) Gold Award kum ka News Producer kaba tbit tam ha ka ktien English ha ka jingialang kaba la long ha ka 30 tarik u Iaiong ha Imperial Hotel, New Delhi.
Ka Samla Alicia kaba la don 26 snem ka rta, kadei kaba dang khynnah tam ban ioh ia katei ka khusnam bad kadei kawei na ki Producer ba lamkhmat ha ka India Today Now ‘News Today at 9” bad u Rajdeep Sardesai bad ka long ka jingsngewsarong ia ka ba kan ioh ia kane ka khusnam kaba dei na ka bynta ki lad pathai khubor hapoh ka Ri India.
Nalor kane, ka Alicia kadei ruh ka Producer ba lam khmat ha ka “Mission 2024” bad ka Preeti Choudhry, kaba la ioh ruh ia ka Gold Award ha ka “Best Early Prime Time Show” nalor kiwei pat ki khusnam kiba la ioh kum ka kynhun. Hashuwa ba kan trei ha ka India Today TV, ka samla Alicia kala dei ruh ka News Producer jong ka Republic TV jongu Arnab Goswami bad ha ka CNN-News18.
+ There are no comments
Add yours