Nongpoh, Jylliew: Ki ophisar ka tnad Traffic jong ka Nongpoh Police Station ki la nang bteng ban pynlong ïaka jing talasi ïaki kali ar shaka naka bynta kito ki nongñiah kiba ju wan ban iaid kai ka sngi u Blei “Bikers Stunners” Ban pynlong ïa ka Surok Bah National Highway 6 kum ka jaka ïalehkai bad buh jingma ïa kiwei pat kiba pyndonkam ïa katei ka surok bah.
Kitei ki Nongñiah Thuk Thuk ym tang ba ki wan ban pynlong jaka ïalehkai ïaka Surok bah haka sngi u Blei hynrei ki la sdang ruh ban bteng ïa katei ka jingïalehkai wat haki pohïa bad kane ka pynlong wan buh jingma ïa kiwei pat kiba ïaid ba ïeng khamtam ïaki khyllung khynnah bad ki khynnah skul.
Ban tehlakam ïa kitei ki Nongñiah thuk thuk ki na kapor sha kapor pulit ka Nongpoh Police Station ki ju pynlong ïaka jing phriang khubor halor ka jingshong shngaiñ ki nongñiah ar shaka bad ki nongleit nongwan da kaba pynlong ïaka jing talasi ïa ki nongñiah Ar shaka ba ki dei ban phong ïaki Helmet bad ban don ruh ïaki License bad ki kot ki sla bad ban daiñ kuna.
Haka 23 tarik Jylliew, 2024 ki pulit ka Nongpoh Police Station lyngba ka tnad traffic ki la pynlong biang ïa ka jing talasi ïa kitei ki nongñiah thuk thuk bad ha katei la sngi kaba dei ruh la sngi u Blei ki pulit ki la ïoh ban daiñ kuna ïa ki ba pynkheiñ aiñ haduh 37 hajar tyngka.
Ki pulit ophisar ka Nongpoh ym tang ba ki daiñ kuna hynrei ki da sneng da khraw ruh ïaki nongñiah ar shaka ba kim dei ban pynlong ïaka Surok bah kum ka jaka ïalehkai namar ka buh jingma ïaka jingim jong ki bad kumjuh ruh ïa kiwei pat kiba pyndonkam ïa katei ka Surok bad ki kyntu ruh ïaki dei ban pyndonkam barabor ïka helmet haba ki ñiah ïaki thuk thuk bad bad kim dei ban mlien shuh ban bteng ïa kane ka jingïalehkai ha kino kino ki bynta jong ka Surok Bah.
