Hadien 14 snem ka Shillong Press Club ka la ioh ia ka Executive Committee (EC) ba pura hadien ka la jied thymmai ia katto katne ki nongkitkam da kaba pynlong ia ka ilekshon hynne ka sngi Saitjain ha sslem treikam ka Club ha Lowwer Lachumiere, Shillong.
Ka SPC ka la pynlong ia ka election ban jied ia ki nongkitkam thymmai ban pynskhem ia ki nongkitkam jong ka kynhun ki Nongthoh Khubor ka Jylla Meghalaya kaba la sdang naduh 10 baje mynstep haduh 6 baje janmiet. Ki dkhot kiba la shah jied ban ialam ïa ka EC thymmai jong ka SPC ki kynthup, ia u Bah Bhabok Laloo kum u Vice President, u Bah Samuel Lyngdoh kum u Assistant General Secretary bad 4 ngut ki dkhot ka EC kynthup u Wesley Lyngdoh, Gee Jarain, James Lyngdoh Nonglait bad ka Kong Ibankyntiew Mawrie.
Kham shwa ka ophis jong ka Director Information and Public Relation (DIPR) ka pynlong ia ka ilekshon ha kaba u Bah Deimaya Shiangshai ula shah jied kum President bad u bah Dominic Savio Diengdoh kum u General Secretary bad u Bah Gershom Hat kum u Treasurer.
