Ioh pdiang u Dr. Sitaram Jindal ia ka khusnam Padma Bhushan

U Dr. Sitaram Jindal, uwei na ki riewkhraw bad riewshemphang uba iohi jngai ia shibun kiei kie, u la shah pynkup khusnam Padma Bhushan namar ki kam jong u kiba u la leh ban wanrah ka jingkylla kiba iadei bad ki jingpynkoit lyngba ka mariang ne ka naturecure bad kumjuh ruh ia ki kam babha jong u. La kha ia u ha ka snem 1932 ha Nalwa, Haryana, ka jingiaid lynti jong u Jindal ha kajba iadei bad ka Naturecure ka sdang naduh ka por ba u dang pule ha ka skull bah bad ha kata ka por u la mad ia ka jingshitom kaba jur namar ba u la ioh jingpang tuberculosis ha ki snier. U la shah sumar ia lade da kaba dih ia ki dawai kynbat bad u la leit ban shim ia ka daw ana kawei ka Naturecure clinic. Kumta da ka jingiohi jngai ban seng noh da kawei ka Naturopathy bad Yoga hospital kaba bit ba biang, U Jindalu la thied ia kawei ka jaka kaba heh bha kham sha kyndong jogn ka Bangalore ha ka snem 1977-79.

Kane ka jaka sumar, ka don ruh iaka jaka wad bniah ia kaba la bei tyngka lyngba ka Jindal Aluminium Limited (JAL), bad kane ka jaka ka la long shisha ka jaka kaba don ka jingkymen na ka bynta kito kiba kwah ban shah sumar da ki rukom sumar tynrai ha kaba iadei bad ka koit ka khiah jong ki.  Ka jingtrei ba khlem shongthait jong u Dr. Jindal ka la wanrah shibun ki jingkylla ha kaba iadei bad ki jingsumar kiba ym donkam dawai, u la thaw ia ka JNI ha ka rukom kaba bha bad kaba iaryngkat kyrdan bad kiwei ki jaka sumar ha pyrthei na ka bynta ban sumar ia ki jingpang bapher bapher, kum ka jingpang sahiaw ne ashthma, jingpang shini ne diabetes, jingpang pressure ne hypertension, jingpang ktha mat ne arthritis, bad katto katne ki jait jingpang bampong.

U la long uba jop ha bun na ki kam kiba iadei bad ka jingshakri mon sngewbha, da kaba pyni ia ka jingtrei ba radbah jong u ban wanrah ka jingkylla ha ka imlang sahlang, kynthup ruh ia ka jingseng ia ka hospital allopathy, skul, bad college, u la lah ruh ban leh shibun ki kam pynroi, kum ka jingshim ia ki shnong ban buh ia ki jingshakri ha ka liang ka lad ai jingsumar bad ki jingpule, bad kyrshan ia bun ki seng treimon sngewbha bapher bapher. Ka jingtrei ba oura jong u Dr. Jindal ha kaba iadei bad ka koit ka khiah, da kaba ban jur ia ka Naturopathy bad Yoga, ka la wanrah ka jingkylla ha ka jingim jong ki million ngut ki briew ha kylleng ka pyrthei. Ka jingtrei ba radbah jong u ban wanrah ia ki jingsumar kiba iadei bad ki lad jingiada bad ka jingpynsaphriang jingtip halor ka jingktah jong ki dawai ka iahap bad ka jingngeit jong u ia ki lad jingsumar lyngba ka Naturopathy bad kaba lah ban ai shisha ban pynduna ia ka jingban khia ha ki hospital allopathy.