Uwei na ki samla Khasi uba la tip kyrteng kum u Steve Jyrwa ula ioh rung sha ka Top 6 ha ka jingiakob shad jong ka India Best Dancer Season 4. U Steve Jyrwa uba shong ba sah ha Nongmensong ula ioh ia kane ka lad ban pyni ia ka sap shad jong u haduh ba un da ioh rung ha ka top 6 jong katei ka rynsan.U Nongialam ka All Meghalaya Dancers Association (AMDA) u bah Kitbok Thabah ula pynpaw ia ka jingkmen halor ka jingioh rung une u samla sha katei ka kyrdan ha ka jingiakob shad.
U kyntu ia ka sorkar ba kan phaikhmat lem sha ki samla ka jylla kiba don ia ka sap bad khamtam sha kito kiba wan na ka longiing kiba duna ka ioh ka kot. Na ka liang jong ka Kmie jong u Steve Jyrwa ka kong Bibi Jyrwa ka la pynpaw ia ka jingkmen bad ka la pan ka jingkyrshan na ka kur Jyrwa bad kumjuh na ki paidbah ka jylla Meghalaya.
Ka kong Bibi ka la ong ba watla ki dei kiba wan na ka longiing ba duna ka jingioh hynrei ha ka por ba leit shad u khun, ka la shu kyrshan dohiap tad haduh ba un da rung sha ka Top 6 bad ka kyrmen ba un poi sha ka thong jong ka jingjop.Kiba ha iing hasem jong une u samla, ki la pan ka jingkyrshan na ki paidbah da kaba shu vote ha ka Sony live App ha ka por ba shad utei u samla ha ka sngi saitjain ka 7 tarik bad 8 tarik ha ka por 8 baje.
