Jan T.2 lak ioh lum ka MLCU na ka ‘FETE’ ban iarap ia ki lanot ha Manipur

Ka Fete ba la pynlong da ka Martin Luther Christian University (MLCU) dang shen ka la lah ban pynmih T.1,87,530 na ka bynta ban iarap ia ki lanot ha ka jylla Manipur.
Ka MLCU ka la pynlong ia ka Fete ha ka 2 tarik u Nohprah da ka jingthmu ban pynmih pisa bad ia katei ka pisa la ioh lum T.1,87,530 yn sam sha ki riew shimet kiba sah ha ki Relief Camp ha Manipur.
Ka MLCU ka la pyntip nalor katei ka pisa, kan sam ruh ia ki jaiñ syaid, ki tiar ïing na ka bynta ki 24 tylli ki longïing, 100 tylli ki Tooth Brush & Toothpaste, 100 tylli ki sabon sum, 50 tylli ki kot dro dur bad ki let rong, 400 tylli ki sabon sait tiar, 30 song ki mit-mit, ki marbam bad kiwei ki tiar.
Kan sam ruh 200 tylli ki nep ba la noh synniang da ki katto katne bad kiba la pynmih pisa hi da ka MLCU bad ia kitei ki mar bad ki tiar ki tar la pynkit ban pynpoi sha ki lanot khnang ba kin ioh pyndonkam ha ka aiom tlang.