Ka result matrik ba la pynbna da ka MBOSE ha ka 24 tarik u Jymmang 2024 ka la pynjaw ummat kmen ym tang ia ki nonghikai ka Laitdom Presbyterian Secondary School hynrei ka la pynjaw ummat kmen ruh ia kiba bun ki paidbah ka thain Laitdom ban iohi ba ka Samla Ridahun Wahlang ka la wanrah burom ia ka longiing kaba duk ka bym don shuh ia la u kpa uba la khlad noh ka la ioh ban rung ha ka thup top 20 ha ka result SSLC bad ban thaw ruh ia ka record ban long ka samla pule kaba nyngkong eh na ka thain Laitdom baroh kawei ban ioh rung ha kane ka thup ha kaba la kyrshan skul ia ka da ki hynmen kiba shu leit bylla hadien ba ka kmie jong ka ka don hapdeng ka jingshitom.
U MLA ka Mairang Constituency u bah Metbah Lyngdoh uba long haka juh ka por u chairman ka Meghalaya State Planning Board haka 25 tarik u Jymmang 2024 da lade kum u nongmihkhmat u la leit ban kynduh iaka samla Ridahun Wahlang ha ka ingsah jong ka ha Mawlieh,Laitdom.
U bah Metbah haba kren sha ki lad pathai khubor ula kular ban ai jingiarap bad ban kyrshan iaka samla Ridahun ba kan bteng iaka jingpule bad ula ong ba u dap daka jingkmen kaba khraw ban iohi iaka jingjop ka Samla Ridahun bad ula pynpaw ruh ba ka jingjop ka samla Ridahun ka long ka nuksa iaki samla pule ba kam don ka jingeh lada don ka mon kaba jwat bad ka jingtrei shitom kumba long ka samla Ridahun kaba khlem ioh tang ban leit tution ba ban ka jingduk hynrei ka la poi haka top 20 bad ban ioh bat iaka kyrdan kaba 15 haka result SSLC.
