Lai tylli ki kali ki la julor ha ka jingiatyngkhuh kaba la jia mynta ka janmiet ha ka 7:30 janmiet hajan ka Jingkieng Umiam, Ri Bhoi District. La iathuh kane ka jingjia ka dei namar ka jingpynher sted palat ka kali I-20 kaba don ia u Number AS 01 BD 6925 kaba wan kiew sha Shillong.
Kiba sakhi ia kane ka jingjia ki la iathuh ba ka kali I-20 ka la pynher sted palat bad ka la syllad nyngkong ia ka kali ba hiar na Shillong ba don ia u Number AS 12P 3059 bad kane ka kali ban kiar na ka jingaksident ka la rat kylla ia ka kali Pickup ba don ia u Number ML05 K 6327.
Tang hadien katto katne por, ki Pulit ka Umiam ki la poi sha katei ka jaka ban tohkit bad ban leh iaka ba donkam. Ha kane ka jingjia ym shym don kano kano ka jingjia ba sngewsih lait tang noh ka jingjulor ki kali.
