Ka jingangnud jong ki paidbah ia ka jingwan jong u slap namar ka jingrang tyrkhong kaba la ktah ia ki jingthup jingtep bad wat ia ka koit ka khiah jong ki briew ha ka 5 tarik u Jymmang 2024 ki paidbah ki la ioh pdiang ia u slap hynrei ka jinghap slap ha kane ka sngi ka la pynsngewsih kylla ia ki paidbah ha ki katto katne tylli ki shnong hapoh ka Eastern West Khasi Hills District namar u slap ha kane ka sngi ula hap ha ryngkat ka eriong bad u phria kiba la pynjulor ia ki iing bad ia ki jingthung jingtep.
Ki shnong kiba la ngat lang ha ka jingshah ktah ha kane ka jingwan lyngshop ka Mariang ki kynthup ia ka dong Mawiong jong ka shnong Nongkhlaw haba ka eriong kala rat ia ki katto katne tylli ki iing, katba ka shnong Mawnai bad ka shnong Demdngiem ki la shah pynjulor ha u Phria ha kaba ki soh ki dei kiba la shah pynjulor kham bun ha kine ki ar tylli ki shnong.
