Jurip u Conrad ia ka jingkieng ba jrong tam na Assam sha Meghalaya

U Myntri Rangbah ka jylla u Conrad Sangma ula pyntip dang shen, ula leit jurip ia ka jingtei ia ka jingkieng ba jrong tam halor ka Wah Brahmaputra ba pyniasoh ia ka jylla Assam bad Meghalaya.

Katkum ka jingpynpaw u Myntri Rangbah ha ka X, ula ong ba kane ka project kan iarap ban pynduna shibun ia ka leit ka wan hapdeng ka Phulbari bad ka Dhubri bad kane ka projek kan kyntiew ia ka ioh ka kot jong baroh artylli ki jylla.

“Nga la wan jurip dang shen, ia ka jingiaid shakhmat ia ka jingtei ka jingkieng ba jrong tam ba pyniasoh ia ka Dhubri, Assam bad ka Phulbari ha Meghalaya na wah Brahmaputra. Kane ka jingkieng kan pynduna ia ka por leit por wan bad kan iarap ban kyntiew ha ka ioh ka kot hapdeng kine ki artylli ki jylla” la pynpaw u Conrad ha ka X kaba dei ka rynsan Social Media.

U Conrad ula kyrmen skhem ba ia kane ka projek yn pyndep ha ka por kaba la buhbad kan wanrah ia ka jingkylla ha kaban kyntiew ia ka leit ka wan bad iaka ioh ka kot ha ka thaiñ.