Ka ain ban wanrah jingshai bad bah khlieh ha ka synshar

Ka Standing Conference of Public Enterprises (SCOPE), ka kynhun ba halor tam jong ki Public Sector Enterprise (PSE) ka la pynkut noh ia ia ka ‘National Meet on Right To Information (RTI) Act’ ha ka sngi Saitjaiñ ha Nongbah Shillong, ha kaba palat 80 ngut ki dkhot na ki 34 tylli ki PSE ki la wan ban iashim bynta ha katei ka jingialang. U Chief Information Commissioner u Heeralal Samariya ha ka jingiakren, ula ong, ba ka jingthmu jong ka Right to Information Act ka dei ban wanrah ia ka jingshai bad ka jingbah khlieh ha ka jingsynshar bad ula ong, watla ka RTI ka dei ka Aiñ kaba rit, hynrei ka dei pat ka Aiñ kaba donbor tam.

U State Chief Information Commissioner ka Meghalaya u Bah H. Nongpluh ula ong, ba ka rukom pyrkhat jong u Public Information Officer (PIO) ka long kaba kongsan bad ruh ki dei ban trei mar mar ban ai jubab ia ki RTI bad ula ong ruh ba dei ban pynlong shuh shuh ia kum kine ki prokram khnang ban ai jingtip shuh shuh shaphang kane ka Aiñ. Katba u Director General ka SCOPE, ula ong, ba ka RTI ka dei ka Aiñ kaba kyrpang, kaba donkam bad kaba pynkup bor tam.

Ula ong, ka jingthmu ban pynlong ia kane ka jingialang ha baroh ki thaiñ khnang ban plie lad shuh shuh ban ai jingshai, jingtip bad ban iakren halor ki bynta bapher bapher jong ka RTI. Ha kane ka jingialang la iadonlang ki ophisar jong ka Sorkar Pdeng, Sorkar Jylla bad kiwei kiwei.