U nongialam ka NPP u Marcuise N Marak ula ong ba ka Congress kan sa jah kyrteng ha ka ilekshon shiteng samoi ka ban sa long shen ha Gambegre konstitwensi. Ka Gambegre konstitwensi ka la sah thylli hadien ba u Saleng A Sangma uba jop na ka Congress ula risain noh hadien ba ula jop kum u MP ka Tura. U Marcuise ula ong ba ha kane ka ilekshon ha Gambegre ka jingiakhun kan long kan long hapdeng ka NPP bad ka TMC, katba ka Congress kan sa jah noh ha katei ka konstitwensi.
Ula ong, “Ki paidbah kim sngew tynnad ia u kyrtong ka Congress bad katkum ka jingtip jong nga, ka jingiakhun ka lah ban long bad ka TMC bad NPP, bad ngi kyrmen ban jop watla ka dei ka jingiakhun”. Ka NPP ka dei kaba ialam ia ka sorkar mynta ha ka jylla, katba ka Congress bad ka TMC ki dei kiba shong ha ka liangpyrshah.
U Marcuise ula ong ba kane ka ilekshon kan long kaba shongshit bha ha Gambagre mynta ha kaba ki myntri sorkar kynthup ma u, kila hiar bunsien sha katei ka konstitwensi nalor u myntri rangbah u Conrad K Sangma.
