Shillong, Jylliew: Watla ka Jylla Meghalaya kala mad haka jingshah lyngshop haka eriong Remal ha ryngkat u lapbah hynrei kam shym la ktah satia iaka jingpyntrei pynbha bad maramot iaka jingkieng Dam Umiam.U Myntri ka tnat Bording u AT Mondal ula ong ba ka jingpyntrei ia ka jingkieng ka iaid beit iaid ryntih khnang ban pyndep noh hapoh une u bnai lane haka taiew ba nyngkong jong u bnai Naitung 2024.
U Mondal ula ong baka jingpyntrei mynta ka dang iaid satang ban tap dewbilat nalor jong ka jingkieng Dam bad namar kata, iaki kali ruh la pyniaid tang na Shilliang.Ula ong baka jingpyntrei iaki kam ka iaid beit khlem da don kano kano ka jingshah pynthut wathapdeng ka jingshah lyngshop haka eriong Remal.
“Ha kito ki 2 sngi ba wan lyngshop ka eriong Remal, ka don ka jingsuki pyntrei iaki kam hynrei ka khlem don satia ka jingpynsangeh ban trei namar ka thong hi kadei ban pyndep noh hapoh une u bnai lane haka taiew ba nyngkong u bnai Naitung 2024” la ong u Mondal.
