Ka ICICI Prudential Life Insurance Co. Ltd., ka la lah ban jop sa ia uwei pat u mawmer da ka jinglah ban don haduh ` 3 lak klur ha ka Assets Under Management (AUM). Ka AUM jong ka kompany kat haduh ka 31 tarik U Naitung 2024, ka long ` 3.14 lak klur. U Anup Bagchi, MD & CEO, ka ICICI Prudential Life Insurance, u ong, “Ngi sngewtynnad haduh katta katta ban lah ban jam ia une u mawmer ban poi ia ka 3 lak klur ha ka assets under management. Kane ka pyni ia ka jingjied nong ki noh buh pisa ia ki jingshakri kiba ngi ai bad ka jingshaniah jong ki ha ngi ban iarap ia ki ba kin lah ban pynurlong ia ka jingangnud ka jong ki ha ka liang ka jingbuh ia ka pisa pilain. Ka rukom treikam jong ngi da kaba ngi pynsuk ha kaba wanrah ia ki jingshakri ka long kawei na ki daw kaba la ialam lynti ba ngin kiew ha kaba iadei bad ka assets under management.
Ki nongbuh pisa ki shaniah ha ngi ba ngin wanrah ia ka jingshngain ha ka liang ka jingbuh ia ka pisa pilain na ka bynta jong ki bad ka iing ka sem jong ki. Kumta ngi long kum ki nongpyn peit nongpynjngoh na ka bynta ka pisa ba la buh da ki nongbuh bad ngi la don ruh ki kyndon treikam kiba pyrkhing ha ka rukom buh pisa bad ha kajuh ka por ki don ruh ki kyndon treikam kiba iadei bad kumno yn leh lada don kino kino ki jingma ha ka liang ka jingbuh ia ka pisa. Kane ka rukom treikam ka la pyntikna ia ngi ba ngim don kino kino ki jingbuh pisa kiba ym treikam ne ki Non-Performing Assets naduh ba la sdang ia ka kompany bad ka ka jingtyllun jong ka iew ha ki bynta bapher bapher.”
U Bagchi u la bynrap shuh shuh, “Ngi ngeit, ba ka life insurance ka long na ka bynta ki jingdonkam kiba ha khmat jong ka imlang sahlang ha ka liang ban don ka jingshngain ha ka rukom ban buh ia ka pisa, ban thaw ia ki lad ki lynti ban ioh ia ka spah ka phew bad ban ioh ia ka pisa ynda la shongthait, kumta ki jingshakri jong ngi bad ki rukom treikam ki iahap bad katkum ka jingdonkam. Ki lad ki lynti ba la wanrah lyngba ka teknology ia kaba la pyntreikam ka la iarap ia ngi ban nang pynsuk ia ka rukom buh life insurance, ban wanrah ruh ia ki lad jingshakri kiba la saindur katkum ki buit treikam thymmai bad la wanrah ruh ia ki jingtyrwa ia kine ki jingshakri kiban iahap bad kino ki nongbuh pisa bad ha ka dor kaba biang bad lyngba ki rukom buh pisa kiba biang khnang ba ki nongbuh pisa kin ioh ia ka jingshakri kaba paka. Ka jingtrei shitom jong ngi ban pynurlong ia ka jingkular lad ban sakhi lyngba ka jingwan kam jong ki nongbuh pisa ia ka pisa kaba dei hok jong ki bad kane ka la kot sha ka 99.17% ha u snem mang tyngka 2024 ne FY2024, bad ka long kaba biang tam ha kane ka karkhana, bad ka jinglah ban pynbiang ia kine baroh ka long tang hapoh 1.27 sngi..”
