Ka Meghalaya Youth Tourism Development Society bad Miss Meghalaya Organisation ki la pyntip ba ka Irene Dkhar ka samla ba la jop teng ia ka Miss Northeast, Miss Meghalaya bad ka Femina Miss India Meghalaya ha ryngkat bad ka Dr. Tanvi Marak ba la jop teng ia ka Miss Meghalaya, Miss Sunsilk Northeast bad Femina Miss India, kin leit iashim bynta ha kawei na ki jingiakop thei bha briew ka ri ba la tip ka Miss Grand India 2024.
Ka Miss Grand India ba la pynlong da ka Glamanand Entertainment Pvt. Ltd., ka dei kawei na ki lai tylli ki jingiakob ba heh ha ri India bad ka Grand Final kan long ha ka 11 tarik mynta u bnai ha Zee Studio, Jaipur, Rajasthan, ha kaba kine ki ar ngut ki samla ka Meghalaya kin ai reng ban ioh rah ia ka pangsngiat Miss Grand India 2024.
Ka Meghalaya Youth Tourism Development Society bad Miss Meghalaya Organisation ka ai khublei kyrpang ia ka Irene Dkhar bad Dr. Tanvi Marak bad ki don ka jingkyrmen ba kine ki arngut ki samla kin wanrah nam bad burom ia ka jylla bad kin iohlad ruh ban mihkhmat ia ka ri India ha ka rynsan jong ka pyrthei.
