Ka jingiakhih ba khlem pud sngi jong ki nongtrei SSA hapoh ka shatri jong ka All Meghalaya SSA Non-Teaching Staffs Association (ASNSA) haduh hynne ka sngi ka la kynjoh sha ka 18 miet ban pynbor ia ka sorkar Jylla ban pynurlong ia ka jingdawa ban kyntiew ia ka tulop ba 80 percent. Mynta ka janmiet Lah sngi u Blei, ki nongialam jong kane ka kynhun ki la iakynduh ia u kynduh ia u Commissioner & Secretary u Vijay Mantri ban iakren halor ki mat jingdawa jong ki.
Haba kren sha ki lad pathai khubor hadien kane ka jingiakynduh, ka President jong ka Association ka kong Jennifer Synrem ka la ong ba ka jingiakynduh mynta kam da pynhun 100 percent ia ki hynrei kim ban se ban pdiang tangba kin iai ap shwa haduh ba kin da ioh pdiang ia ka shithi. Ka President jong ka Association ka Kong Jenifer Synrem ka la ong ba ia mynta kim pat lah ban weng ia ka jingiakhih katba kim pat ioh pdiang ia ka shithi na ka sorkar.
Lah ban kdew ki nongtrei SSA dang shen ki la iakynduh bad ka sorkar hynrei ki la pynpaw ia ka jingbym sngewhun namar ba ka sorkar ka la tyrwa ban pynkiew tang 2 percent bad ka increment kaba san percent hynrei ia ka jingdawa kaba 80 percent ka sorkar kam pat lah ban ai ia ka rai. Ka sorkar ka la thung ia ka Rationalisation Committee hapoh ka jingialam u Commissioner & Secretary u Vijay Mantri ban eksamin ia ka jingdawa ki nongtrei SSA.
