Ki don bun ki rynsan na ka bynta ki nongmihkhmat (MLA) ban rah ia ki mat kiba ia dei bad ka bha ka miat jong ki paidbah bad ki Constituency ba ki mihkhmat. Ia kane la ong da u MLA ka Congress na Mylliem u Bah Ronnie V Lyngdoh haba ia dei bad ka jingmihnoh ki 3 ngut ki MLA ka Congress ban pyniasoh sha ka National People’s Party (NPP) Congress, da kaba kam ba ka dei na ka bynta ka jingmyntoi ki paidbah bad ki Constituency ba ki mihkhmat.
“Lada phi dei nong-mihkhmat (MLA) phi don ka rynsan kaba heh kata ka iingdorbar thaw ain ban rah bad kren ia ki jingeh bad ki jingdawa ki paidbah nong shong shnong ha la ki Constituency. Ngan leh ia ka kata bad lada ka Sorkar ka ai ne em ia ki skhim, kan sa batai hi ia ka Party kaba don ha ka Sorkar” la ong u Bah Ronnie. U Bah Ronnie u la ong, lada ka Sorkar ka kyntait ba ai iaki skhim kane ka pyni shai ba ka Sorkar kam dei ba ka ibein ia u MLA hynrei ka ibein ia ki nongshong shnong jong kita ki Constituency.
“Kynmaw haba bam smai kum u Myntri Sorkar, ki bam smai kum u Myntri Sorkar ba ym dei ban shun ne leh shilliang ia ki paidbah bad lada ki kyntait ban ai skhim ia ki MLA ka Liangpyrshah ka pyni ba ki leh beain” ula ong.
