U Myntri ka tnat Pule Puthi u Rakkam A Sangma hynne ka sngi ula iai ban baka Sorkar Jylla ka buh iaka mat ban kyntiew iaka pule dangle hakhmat eh. Haba ai khublei iaki samla pule kiba la pass bha iaka eksamin HSSLC haka Science abd Commerce u Rakkam ula ong “Nga ai khublei iaki samla Pule kiba la leh bha iaki eksamin jong ki. Nga ai khublei iaki nongpyniaid iaki jaka pule, iaki nonghikai bad iaki kmie ki kpa kiba la kyrshan iaki khynnah ban leh bha hala ki eksamin”.
U Rakkam ula ong ba u dang daka jingkmen ban iohi ba mynta u snem, ka jingdon ki samla ba pass hala ki eksamin ka kham bun ban ia nujor ha kiwei ki snem bala dep. Ula ong ba kane ka jing pass bha ki samla pule kan dang ai mynsiem shuh shuh iaka Sorkar Jylla ban nang shim iaki sienjam ba bha naka bynta ban kyntiew iaka Pule dangle hapoh ka Jylla Meghalaya baroh kawei.
“Kane kadei ka dak bad ka khubor kaba bha namar ki samla pule kila shim khia shisha ban trei shitom naka bynta ban nang kiew shakhmat haki jingpule jong ki, kiban sa wan ha ki snem ban wan” ula ong. Ula ong ba ka Sorkar kan nang trei bha shuh shuh ban wanrah biang iaka nam, baka Meghalaya ne ka Shillong kadei ka pdeng haba iadei bad ka Pule dangle jong ka thain Shathei Lammihngi jong ka Ri India.
