Ka jingpynduna ia ka jingma: da kiwei pat ki lad ki lynt na ka bynta ka India ban lah ban tehlakam ia ka jingpyndonkam ia u duma 

Ka Panama ka la pynlong ia ka lympung jingialang ba la tip kum ka Conference of the Parties tenth session (COP10), hapoh jong ka rukom treikam jong ka WHO Framework Convention na ka bynta ban tehlakam ia ka jingpyndonkam ia u duma, da kaba phai khmat khamtam ban pynduna ia ka jingdawa, ka jingpynduna ia ka jingshalan bad pynduna ia ka jingma. Ha kane ka lympung jingialang la kren shaphang bun jait ki kor ki bor teknology ka juk mynta, ka jingktah jong ka mariang sawdong sawkun, bad ka jingwanrah ia ki ain ki kyndon kiba pyrshah ia ki karkhana shna duma, bad ka jingban jur ia ka hok jong ki briew ha kaba iadei bad ka koit ka khiah. 

Ha India, ka phang ba ha khmat kadei ban wanrah ia ka jingpynduna ia ka jingma da kaba leh ia kiei kiei kiba long katkum ka science ne scientific bad wat ia ki kor ki bor teknology kiba biang bad ki nongthaw ain jong ki ri ka pyrthei. Ki kyndon treikam kiba lah ban pyntreikam ka long da kaba phai khmat ha kaba iadei bad ka jingma, ban pyniaid ia ki mar ki mata katkum ka jingkhlain jong ka jingpynbuaid ha ka jaka ban khang shi syndon ia kine ki jait jingdih. Da kaba wanrah da kiwei pat ki lad ki lynti kiba shngain bad buh ha khmat kumno ban pynduna ia ka jingdih duma, kumta ka India kan sa lah ban pynduna ia ki jingpang bad ki jingiap kiba mih na ka daw jong u duma. 

Ka Lakshmi Ramamurthy, Hon. Trustee jong ka Centre for Public Policy Research, ka la pyni ia ki jingbatai ba donkam ban wanrah ia ki kyndon ain na ka bynta ban pynduna ia ki jingma kiba mih na u duma ha India. Ka la pynpaw ba ka jingkhang jong ka India ia ki e-cigarette ha u snem 2019 kam shym la lah ban pyniapher ia uwei u jait bad uwei pat, wat hadien ba la pdiang ia kane ka jingiapher ha ka snem finance bill na ka bynta ban ot khajna jong ka snem 2021. Watla hadien ba la pdiang ia ka jingiapher jong ki hapdeng u cigarette, e-cigarettes, bad HTP, ia kane ka jingiapher ym shym la pyntreikam ha kane ka jingkhang ia kine ki mar.  Ban khang ia kane ka khlam jong ka jingpyndonkam ia u duma, ka India ka donkam ban buh ha khmat ia ki katkum ka jingstad science bad katkum ki jingshisha, kata ban wanrah ia ki kyndon ban pynduna ia ki jingma kiban plie lad pat da kiwei kiwei kiba kham shngain. Ki ri ka pyrthei kum ka United States, United Kingdom, New Zealand, Sweden, Japan, bad Canada ki la lah ban pdiang da kiwei kiwei ki lad ki lynti kiba shngain hapoh jong ki kyndon treikam kiba iadei bad ka jingtehlakam ia ka jingpyndonkam ia u duma.