Ka seng Tour Operators Association Meghalaya (TOAM) mynta ka sngi ki la phah shithi sha u Myntri ka tnad jngohkai ban shim khia ba ka kam jngohkai ha kane ka jylla kam dei ban don jingktah. Lah ban kdew ba dang shen, ka seng Hynniewtrep National Youth Front (HNYF) ka la leit ban bat ia ki kali Tourist ha Umtyngar. Ka seng TOAM ka la ong ba ka jingshah khang ki kali Toursist ha katei ka sngi, ka la ktah bad ka la wanrah ka jingduh nong kumba 30 percent eiei ia ki nongbuh dukan, ki nongbuh iing basa bad kiwei ki nongpyniaid ia ki jaka jngohkai ha kane ka jylla .
U bah Banlum Blah ula iathuh ba ka seng ka hap ban wad ia ki daw bad kumno ban pynbeit balei ki nongwankai ki shim da ki kali na Assam, bad kyntait ia ki kali na Meghalaya watla kila don shibun kiba kamai tourist. Ia kane ka kam kan bha lada iapynbeit hapdeng ka seng kamai kali na Assam bad kumjuh na Meghalaya, ula ong.
Ula ong ba lada ka sorkar jylla kan don ka rukom pyniaid kaba beit kumba long ha jylla Sikkim, kan lait na kino kino ki jingeh kaba pynwit ia ka kam jngohkai ha kane ka jylla.“Kum ki nongpyniaid ia ki kam jngohkai, ngi kwah hi ba ki nongwan jngohkai kin shim ia ki kali kamai kiba dei na kane ka jylla,”ula ong.
