Ka Toyota Kirloskar Motor Pvt. Ltd. (TKM) ka la pyllait paidbah ia ka jingshakri ba la tip kum ka “T GLOSS,” kaba long ka sienjam treikam ban pynbha bad pynitynnad ia ka kali, bad kane ka long ka sienjam ba nyngkong ban rung sha kane ka kam. Da ka jingaiti lut jong ka ban buh shwa ia ki nongthied ha khmat, ka jingtgmu jong ka TKM ka long ban pynbha shuh shuh ia ka karkhana kaba peit ha ka liang jong ki kam kiba iadei bad ka jingpynbha bad jingpynitynnad ia ka kali ia kaba la shna bad saindur kyrpang na ka bynta ki kali Toyota.
Naduh ka 1 tarik U Jymmang, 2024, “T GLOSS” baroh ki jaka die kali Toyota ha India kin don ia kane ka jingshakri. Kane ka ailad ia ki nongthied ba kin ioh ia ki lad ki lynti kiba bha bad ba biang tam ha kaba iadei bad ka jingsumar ia ki kali bad ka jingpynbha ia ki ia kaba yn leh ha ka rukom kaba bha tam. Hapoh jong ka “T GLOSS” brand, ka TKM kan wanrah ia shibun ki lad ai jingshakri ia kaba la shna kyrpang na ka bytna ban nang pynitynnad shuh shuh ia ki kali, naduh napoh haduh habar. Kane kan kynthup naduh ka jingsop da ka ceremic ne ceramic coating, ka jingsop ia ka jingbynta ba shapoh, ka jingsop ia u silencerbad ka jingaida ia ka panel ba hapoh. Ka jingthmu jong kine ki jingpynbha ym tang ba ka long na ka bynta ban pynitynnad ia ka kali hynrei ka wanrah ka jingiada na ki bor mariang.
Shuh shuh, ka “T GLOSS” ka wanrah ruh ia ki jingtyrwa ha ki lad ai jingshakri na ka bynta ban pynkhuid ia ka bynta ba hapoh jong ka kali bad ban pynitynnad ia ka bynta ba shabar jong ka kali, naduh ka jingpynkhuid ia ki thliew ba mih ka lyer haba than AC bad ia ki jaka ba mih ka jynhaw, khnang ba ki nongshong ki sngewtynnad ban shong. U Sabari Manohar, Vice President of Sales-Service-Used Car Business ha Toyota Kirloskar Motor, u la pynpaw ia ka jingsngewkmen ban leh ia kane ka sienjam treikam, da kaba ban jur ba ka sienjam treikam ka TKM ka long ban buh shwa ia ki nognthied ha khmat. Ka sienjam treikam ka “T GLOSS” ka iahap bad ka sienjam treikam ba ha khmat eh jong ka TKM bad kata ka long quality, durability, bad reliability (QDR) ne jingbha, ka jingneh bad ka jingshaniah, kaba don ha ka ia ka jingtyrwa na ka byta ki trai kali jong ka Toyota ba kin ioh ia ki lad ki lynti kiba bha ha kaba iadei bad ka jingsumar bad jingpynbha ia ka kali khnang ba ka kali kan neh sah ka jingitynnad. Da ka jingphai khmat ha kaba iadei bad ka jingpynwandur ia ki kali katkum ka jingkwah jong ki briew, “T GLOSS” ka thmu ban pynbiang ia ka jingkwa jong bun ki nongthied, da kaba buh ia ki nongtrei kiba tbit bad pyndonkam da ki tiar ki tar kiba bha khnang ba kin neh slem.
