Ka jingkhyllem ka kynroh ha phyllaw jong ka ingdorbar thawain kam don jingiadei bad ka jingshna iaka ingdorbar. Ia kane la pyntip da u Myntri Rangbah ka Jylla u Conrad K Sangma hadien ka jingleit jurip iaka jingtei iaka ingdorbar ha Mawdiangdiang. Ia u Myntri Rangbah la synran lang da ki ophisar ka tnat PWD.
U Conrad ula iathuh ba haka 17 tarik, u Lamphang ka ingdorbar ula pyntip ba don ka jingkhyllem ka kynroh bad ula bthah ban leit jurip.”Hadien ka jingjurip, nga kwah pynshai ba ka jingtwa kynroh kam don jingiadei bad jingtei iaka ingdorbar thymmai bad ia kane ka kynroh la pyntrei daka Legislative Secretariat ym daka PWD” la ong u Conrad.
U Conrad ula ong ba ia kane ka kynroh la tei slem bha haki snem bala dep bad ka jingkhyllem ka kynroi kadei namar ba don ka jingtwa khyndew. “Nga kwah pynshai ba ka jingkhyllem ka kynroh kam don jingiadei bad ka jingtei iaka ingdorbar thaw ain thymmai bad kane kan nym ktah satia iaki kam ba dang iaid” ula ong.
