Ka Meghalaya State Urban Livelihood Mission (SULM) ka tnad pynroi sor jong ka sorkar jylla ka la pynlong ia ka ‘Loan Mela’ ban pynkup bor ia ki nongdie madan harud surok kum shibynta jong ka PRAISE (Performance Recognition for Access to Street Financial) ban ai khusnam. Ki riew rangbah ba la ia donlang ki kynthup ia u Satish Kumar Singh, Under Secretary, Ministry Housing and Urban Affairs sorkar pdeng, u P.K. Boro, Director Urban Affairs, State Mission Director DAY-NULM & PMSVANidhi, MSULM, Urban Affairs, ka kong Larisa Mawroh, State Mission Manager, SULM Assistant Nodal Officer, Meghalaya Street Vendors bad kiwei.
U Under Secretary ka tnad shna ïing bad pynroi sor jong ka sorkar India u Satish Kumar Singh, ula ong ba ka jylla Meghalaya ka la kiew bha haduh katta katta haba ïadei bad ka jingshim ram banyngkong. U la ong ba ka jylla ka la lah ban pynurlong ia ka thong ha ka ram kaba ar bad kaba lai, da kaba khot ia ka kum ka jingjop kaba khraw ia ka jylla Meghalaya. U la bynrap ka jylla ka la pynpaw ïa ka jinglah ba khraw bad u pyrkhat ba ka jylla ka lah ban kiew shakhmat da ka ram balai.
Lah ban kdew ba ïa ki khusnam PRAISE la sam ha ka sngi Balang katkum ka jingtbit ha ka jingtreikam bad ban rakhe ïa ki jingnoh synñiang jong ki nongshim bynta bapher bapher kum ki Urban Local Body, ki Bank, ba la kyrshan ïa ka ïoh ka kot jong ki nongdie madan ha surok.
