Ban leh burom ia ka sngi jong ki Doctor, ka lympung iamir jingmut Times Now Doctors Day Conclave ka la lah ban lum lang ki doctor ne ki nongsumar ba tbit ban rakhe pyndonbumrom ia ka jingnoh synniang jong ki bad ban iakren ruh shaphang ki jingeh kiba ha khmat ha kaba iadei iadei bad ki jingpang jingshitom ba ka India ka mat. Kawei na kum kita ki jingeh kadei ka jingktah ba shyrkhei ia ka koit ka khiah namar ka jingpyndonkam ia u duma. Katba ka jingthmu jong ki kyndon treikam kiba la don lypa ka long ban tehlakam ia ka jingpyndonkam ia u duma, hynrei ka jingktah ia ki briew bad ka ioh ka kot ka long kaba ha khmat eh.
Ki mat treikam kiba don mynta ban tehlakam ia ka rukom pyndonkam ia u duma kam pat lah ban wanrah ne poi sha ka thong kumba thmu. Da ki million ngut ki jingim briew la duh ei man la u snem na ki jingpang kiba mih namar ki rukom bapher bapher ba pyndonkam ia u duma, kaba la ktah bha ia ki rukom ai jingshakri ha ka liang ka koit ka khiah ha India. Ka jingiaphylliew jingmut halor ka phang “India needs a new and comprehensive approach to combating addiction led NCDs” ia kaba la pynlong ha kane ka lympung ka la pynpaw ia ka jingdonkam ba kyrkieh ban wanrah noh ia ki rukom treikam ba thymmai kumno ban tehlakam ia ka jingkyrni ia ka jingpyndonkam ia u duma- uba long ka daw ia bun ki jingpang ki bym iabit ne NCD, khamtam eh ban lah ia ka daw tynrai- halor ka jingkyrni ia ka nicotine.
U Yugal Sikri, Vice Chairperson & Managing Director jong ka RPG Life Sciences, u la ban jur halor ka jingktah ba shyrkhei ha kane ka liang, da kaba ong, “Haba iakren shaphang ki jingpang ki bym iabit ne non-communicable diseases kam dei tang ba ka long kaba donkam hynrei kaba don ka jingsyier, da kaba daw aba donkam ban thaw ia ki lad ki lynti ba thymmai kumno ban tehlakam ia ki jingpang kiba mih na ka daw jong ka jingkyrni. Ka jingkiew jong kine ki jingpang bym iabit, kiba mih na ka daw jong ka jingkyrni ka long kaba shyrkhei, ha kaba tang na u duma iwei na ki hynriew ngut ki khlad na ka daw ba ki ioh ia ki jingpang bym iabit ne NCD.”
