Ka Meghalaya ka dei kaba la kyrkhu na ka jingjur slap: DP Wahlang

Ka tnat Public Health Engineering (PHE) ka Sorkar Jylla ka la rakhe ia ka World Water Day 2024 ha U Soso Tham Auditorium, Shillong. Ka phang pdeng jong ka World Water Day mynta u snem ka long ‘Ka um na ka bynta ka shong suk shong shngain’. Ha kane ka sngi la donlang u Bah D.P Wahlang u Chief Secretary kum u kongsan ha ka jingdonlang u Dr. Shakil P. Ahammed, Additional Chief Secretary, u Syed Md. A. Razi, Commissioner & Secretary, PHED ka Kong B.M Lyndem, Chief Engineer, PHE Meghalaya, Shillong.

Haba kren ha kane ka sngi u Bah D.P Wahlang ula ban jur ia ka jingdonkam ka um ha ka jingim briew bad ka jingdonkam ban wanrah ka jinglong shngain. Haba kren halor ka phang pdeng ‘Ka um na ka bynta ka shongsuk shong shngain’, u Bah DP Wahlang ula kyntu ia ki paidbah ban ithuh ia ka jingdonkam ban pynneh pynsah ia ka shongsuk shong shngain. U Bah DP wahlang ula ong pyni ruh ia ka jinglah ka skhim Jal Jeevan Mission haba ia dei bad ka jingsam um bam sha baroh.

Ka Meghalaya ka dei ka Jylla kaba la shah kyrkhu ka jingjur ka jinghap slap, ka jingpahuh um, ka jingitynnad ka mei mariang bad namar kane donkam ban pynneh pynsah ia ki tyllong um. U la iai ban ba ka um kam dei tang ka jingdonkam ba man ka sngi hynrei ka dei ruh ka jingim.U Chief Secretary ula pynpaw ruh ba ka um ka long kaba donkam ban pahuh ka jinglah ban pynmih ia ki mar rep bad ka jingdonkam ia ki briew hynrei ki dang bun kiba dang shem jingeh ba ioh um kaba khuid.

Ula ong ka Jal Jeevan Mission ka dei ka thong jong ka Sorkar ban weng ia ki jingeh ba ki paidbah ki shem haba ia dei bad ka jingioh ka um bam.Ka JJM ka dei ka thong jong ka Sorkar India ban pynthikna ba ki nongshong shnong ki ioh ka um bam um dih. Ha kane ka sngi u CS ula sam ruh ia ki khusnam sha ki nongjop jong ki jingiakop ba la pynlong kum ka dak ban rakhe ia ka World Water Day.