Ban rakhe iaka National Education Day, Ka Toyota Kirloskar Motor (TKM) ka la pyntikna ia ka jingtrei ba radbah jong ka ban pyndap ia ka jingduna ha ka liang jong ki sap lyngba ki sienjam treikam kiba don jingmut. Da ka jingphai khmat kaba skhem ban pynkup bor ia ki briew khamtam kito ki samla ba duna ha ka ioh ka kot ha kylleng ka jylla Karnataka bad India, ki lad ai jinghikai ka TKM bad kumjuh ki jinghikai pyntbit ki la lah ban prat lynti ban aikam aijam, ban wanrah ka jinglah ban shaniah ha lade, bad noh synniang ban kyntiew ia ka jingkiew ha ki kam karkhana ha India.Uwei na ki pai aba skhem ka jong ka jingthmu ka TKM kadei ka Toyota Technical Training Institute (TTTI), ia kaba la seng ha ka snem 2007. Mynta la kumba palat 15 snem, ka TTTI ka ju ai jinghikai pyntbit khlem da siew pisa kine ki jinghikai ki long kiba bha na ka bynta kito kiba duna ka ioh ka kot, bad kane ka jaka ai jinghikai ka long kaba la buh kyrpang na ka bynta ban shna kali. Ha kane ka jaka ai jinghikai la ai jinghikai haduh lai snem kynthih bad kito kiba shah hikai kin hap ban sah ha kane ka jaka bad ym tang ba ka hikai ban nang ia ki kam kiba iadei bad ki technical ne ki kor ki bor hynrei ka phai khmat ruh na ka bynta ban pynlong ia ki nongpule kiba biang ha ki liang bapher bapher. Ki jinghikai hangne ki ban jur bha ha kaba iadei bad ka jingbatai ia ki nongpule da kaba ki ioh ban ktah ne shna ia ki tiar ki tar, ban sngewthuh jylliew shaphang ki rukom shna kali ha ka pyrthei, bad ban don ruh ki bynta kiba iadei bad kumno ban tei ia ka jingiadei para ba nongpule. Khnang ba yn lah ban pyndap ia ka jingdawa ia ki briew kiba tbit ha ki kam ban shna ia ki kor ki bor bad ban kyrshan ia ki kynthei, ka TKM dang shen ka la nang kham pynheh shuh shuh ia ka TTTI sha ka 1,200 ngut ki samla pule, da kaba buhr uh ki jak aba kyrpang na ka bynta ki 600 ngut ki samla pule kynthei. Kane ka jingpynheh ka kynthup ruh ia ka jingpynheh ia ka jaka sah, ka jingdon ki kamra klass kiba long katkum ka juk mynta, bad ki tiar ki tar kiba thymmai bad katkum ka juk, khnang ba ki samla pule baroh kin ioh ia ka jingpule kaba biang ha baroh ki liang.
Ha kaba iadei bad ka jingtrei ba radbah na ka bynta ka ‘Skill India,’ ka TKM ka la wanrah ruh ia ka Toyota Kaushalya Program, kaba long ka jingpule ba ar snem kynthih ba la tip kum ka “Learn and Earn” model. Kane ka prokram ka iahap bad ka jingtyrwa jong ka TTTI ban shah ia ki samla pule ba kin kamai artad ha ka por ba ki dang pule, da kaba khleh lang ka jinghikai ha ki kamra klass bad ka jingioh ban trei artad ha ka por ba pule ne ka on-the-job training (OJT) ha ki jaka treikam jong ka Toyota. La shna bad saindur ia kine na ka bynta ki samla donsap kiba na ki thain nongkyndong ka jylla Karnataka, ka Kaushalya Program ka pynkup bor ia ki samla pule ban ioh ia ki sap kyrpang kaba donkam ha kine ki sngi ba mynta, da kaba ai ia ki ia ki lad ba kin ioh mad ia ki rukom trei karkhana khnang ba kin lah ban ioh kam ioh jam. Nalor kane, ka jingaiti lut jong ka TKM ban saindur ia ka lawei jong kito kiban trei ha ki kam shna kali la lah ban sakhi ha ka Toyota Technical Education Program (T-TEP), kaba long ka jingiatreilang bad ki jaka ai jinghikai ne ki industrial training institute ha kylleng ka India. Lyngba ka T-TEP, ka TKM ka la lah ban buh haduh 60 tylli ki centre, kaba la ai jingmyntoi ia ki 13,000 ngut ki samla pule ha kylleng ka ri. Kane ka prokram ka ai ki jingpule kiba biang bha ha ka liang ki kor ki bor, bad ka don ruh ia ki jinghikai ban nang pyntbit ia ki sap da kaba ki nongpule ki ioh ban trei ia ka kam ha ki jaka die kali jong ka Toyota, kane ka iarap ia ki samla pule ba kin ioh mad da lade kumno ki lah ban trei ha kaba iadei bad ki kor ki bor ne ki tar ki tar kiba iadei bad ki kali kiba mynta bad kumjuh ruh rukom treikam kiba donkam da ki karkhana.
Kum ka jingpyrshang ban nang kyntiew ia ki sap ki phong hapdeng ki samla pule na ki thain bapher bapher, ka TKM ka iashim bynta ha ka Technical Intern Training Program (TITP), kaba ailad ia ki nongtrei ba kin ioh ban leit trei kaba long kum shi bynta jong ka jingpule sha bar ri kata ha Japan na ka bynta hynriew bnai haduh san snem. Kane ka jingleit jong ki samla pule sha kawei pat ka jaka ym tang ba ka pynkhlain ia ki ba kin tip shuh shuh shaphang ki rukom treikam hynrei ka wanrah ka jingiadei kaba kham jylliew hapdeng ka India bad Japan, namar ba ki jingtip bad ki jingshemphang la lah ban iasam hapdeng kine ki ar ri. U G. Shankara – Executive Vice President, Finance and Administration, Toyota Kirloskar Motor u ong, “Katba ngi rakhe ia ka National Education Day 2024, ha TKM, ka jingtrei ba radbah jong ngi kam long tang ban iadei ha ka khaii pateng; hynrei ngi aiti lut ban pynsan ia jingtip bad pynlong ia ka kaba neh shirta bad wanrah ruh ia ka jingpule kaba pdiang ia ki briew na kylleng ki bynta, kabym noh shiliang, bad ban plie ki lad ki kabu ia baroh. Da kaba buh ha khmat eh ia ka jing ai jinghikai kabab ha bad kaba lad ban kyntiew ia ki sap, ka jingthmu jong ngi ka long ban wanrah ka jingkylla ia ki samla bad pynkup bor ia ki, bad pynlong ia ki kiba seisoh ha ka imlang sahlang. Ka sienjam treikam jong ngi ym tang ba ka kyrshan ban kyntiew ia ka bha ka miat jong I briew shimet hynrei ka long ruh ban pynlong ia ka imlang sahlang kaba khlain. Kane ka iahap ruh bad ka Prime Minister’s Internship Scheme ba la pynbna ha ka dorbar mang tyngka ka sorkar pdeng jong ka 2024-25, ngi nang pynkhlain ia ka jingtrei ba radbah jong ngi da kaba wanrah ki jingtyrwa ban ai jinghikai kaban pyniasoh ia ka jinghikai bad ka jingdonkam jong ka karkhana. Lyngba kine ki jingtrei, ngi thrang ban long ka bynta ba kyrpang ban pynurlong ia ka thong jong ka Viksit Bharat—kata ban kyntiew ia ka ri ha ki liang baroh ha kaba man la I nongshong shnong in im bha im miat.”
