Namar ka jingiakren halor ka jingkoit jingkhiah ha ka bor pyrkhat ka la nangpaw, na ka liang ka ‘Feel Good With Fiama Mental Wellbeing Survey 2024’ ka ITC ka la rakhe ia ka jingdap 4 snem da kaba wad bniah ia ki jingsngewthuh bad ki jingshisha shaphang ka jingkoit jingkhiah ha ka bor pyrkhat ha India. La bthah da ka NielsenIQ, kane ka jingwad bniah ka pynpaw ia ka jingsngewthuh, ka jingmut jingpyrkhat bad ka jinglong na ka bynta ka jingkoit jingkhiah ha ka bor pyrkhat ha India.Ka pyni ia ka jingkiew shaphrang ha kaba pdiang ia ka jingdonkam jong ka jingkoit jingkhiah ha ka bor pyrkhat katba ka pyni ruh ia ki jingkhanglad kiba neh ha kaba ioh ia ka jingkyrshan jong ki riew shemphang.
Wat la ka jingpynsngewthuh paidbah ka la iaid bha, pynban dang bun ki riew shimet kiba dang iakhun jar jar, ki artatien ban iakren shai shaphang ka jingbha jingmiat jong ki ha ka jingsngew ne ban wad jingiarap na ki riew shemphang. Ka don ka jinglong ban pynduna ia ki jingeh, ne ka jingngeit ba ka jingwad jingiarap ka long tang na ka bynta kito kiba mad ia ka jingpang ba jur ha ka bor pyrkhat. Kane bunsien ka wanrah ia ka jingpynslem ia ka jingkyrshan jong ki riew shemphang. Kane ka jingbym iadei hapdeng ka jingsngewthuh bad ka jingleh ka buh ia ka jingkylli kaba kongsan: Balei, ha ka juk jong ka jingtip bad jingpdiang, dang bun kiba dang artatien ban pdiang ia ka jingsumar kum ka lynti sha ka jingbha jingmiat kaba shisha? Ka jingwad bniah ka wad bniah shuh shuh ia kane ka jingkylli bad ka pynpaw ia ka jingpyrshah.
Katba 83% na ki nongiashim bynta ha ka jingwad bniah ki sngew ba ym dei ba lehrain ban pynpaw jingeh ha ka koit ka khiah ha ka bor pyrkhat, 81% ki sngew lehrain ban iathuh ha kiwei ba ki shim ia ka jingsumar. Katba ngi nang kham pdiang ia ki jingeh ha ka koit ka khiah ha ka bor pyrkhat ha ka jinglong kyllum, ka jingleh ban wad jingiarap ka dang kit ia ka jingkit kaba khia jong ka jingbishar ba la shim da ka imlang sahlang. Kane ka jingtieng kaba la kha naduh mynnyngkong ia ka jingshah bishar ka khanglad ia ki briew shimet ban don ki jingiakren kiba laitluid shaphang ka jingkoit jingkhiah ha ka bor pyrkhat jong ki kaba khanglad ban ioh ia ka jingkyrshan. Ka jingwad bniah mynta u snem ka pynpaw ruh ba 80% na ki Gen Z kiba iashim bynta ki ngeit ba ki kmie ki kpa jong ki kin kyrshan ia ki ha ka jingsumar. Ka don ka jingpdiang kaba nangroi hapdeng ki paralok ba iajan bad ka dei ka sienjam ban pynlong thikna ia ki jingiakren shaphang ka jingkoit jingkhiah ha ka bor pyrkhat.
