Ka North East Small Finance Bank (NESFB) ka pynbna ia kawei na ki jingthung kaba heh bha ha ka thain shatei lam mih ngi. Ka bank ka thmu ban thung kam haduh 200 ngut ki briew ha ka wat kaba nyngkong jong kane ka sienjam treikam kaba heh. Ka NESFB kan thung kam ia ki briew kiban trei ha ki kam bapher bapher ha ki tnad treikam jong ka ne ki branch kiba don ha kylleng kata ha Guwahati, Lakhimpur, Nalbari, Tezpur, Jorhat, Diphu, Dibrugarh, Kokrajhar, Kamrup, Shillong, Siliguri, Agartala bad Aizawl. Kane ka pyni ia ka jingtrei ba ratbad jong ka bank ban thaw ia ki lad aikam bad ban kyntiew ruh ia ki sap jong ki briew ka thain shatei lam mih ngi. Na ka bynta ka wat ba nyngkong jong ka jingthung kam, ka bank kan thung kam ia ki briew khamtam na ka bynta ki ar tylli ki kyrdan treikam: Relationship Officer – Assets bad Relationship Officer – Liabilities. Kino kino ki samla kiba don ia ka kyrdan jingpule jong ka bachelor degree bad kibym pat trei ne kiba la trei lai snem ne 0-3 snem ha kino kino ki bank ki lah ban apply.
Kane ka jingpyrshan ka long kum shi bynta jong ka jingthmu ba heh tam jong ka NESFB na ka bynta ban kyntiew ia ki jingshakri ha ki kam bank khnang ba baroh ki briew kin ioh lad ban pyndonkam ia ki jingshakri bapher bapher ba ki donkam, ban thaw ia ki lad aikam aijam bad kyntiew ia ka ioh ka kot ha ka thain shatei lam mih ngi. ka jingthmu jong ka bank ka long ban nang pyniar ia ka jingdon jong ki nongtrei ha kine ki bnai ban wan namar ba ka bank kan pyniasoh bad ki kompany na Bangalor ba kynthup ia ka fintech unicorn, slice, advances. Da kaba phai khmat ha ka liang kaba iaddei bad ka thung kam thung jam, ka NESFB ka thmu ban ailad ia ki samla ka thain ban ioh ia kane ka kabu khnang ba kin kiew ha ki kam kiba iadei bad ka pisa pilain, bad noh synniang sha ka thain ban kyntiew ia ka ioh ka kot jong ka imlang sahlang hi baroh kawei. plie ia ki lad ki lynti kiba biang na ka bynta jong ki. Lyngba kane ka sienjam treikam, ngi thrang ban nang pynbha shuh shuh ia ka sap jong ki nongshong shnong ka thain shatei lam mih ngi, da kaba ai sha ki ia ki jingpyntbit ba donkam bad ka jingphai khmat ka long ruh sha ka jingaikam ia ki kynthei ha ka thain.
Da ka jingiaid ka kam ban pyniasoh bad ka slice, ka thong jong ngi ka long ban kyntiew ia ka ioh ka kot ha ka thain shatei lam mih ngi, la kane ka long lyngba ki jingshakri kiba don ha ka bank ne ban thaw ia ki lad aikam aijam. Kane kadei kawei na kiba bun tylli ki wat thung kam kiba ngi plan ban pynlong ha ka thain ryngkat bad ka jingwanrah ruh ia ka 5 year development plan ne ka plan ban kyntiew ia ka kam kaba 5 snem ia kaba shen ngin sa ia sam bad ki briew jong ka thain shatei lam mih ngi.” Ha kane ka jingthung kam yn phai khmat bha na ka bynta ban sei ia ka sap ba tbit jong ki samla ka thain, da kaba pyntikna ba kin ioh ia ki lad ki lynti ban ioh kam ioh jam ha la ki thain.
Kino kinokiba don ka mon ban apply ki lah ban leit sha ka https://nesfb.com/apply.
