Ka Oriflame, kaba la pawkhmat bha ha Sweden, dang shen ka la ïoh ban shim ïa ka jingïatreilang ha ka jingïalang pdiang sngewbha jong ka Swedish Networking Reception ba la pynlong da ka Embassy ka Sweden, ha kaba ka phang pdeng jong ka jingpynneh pynsah ka la shim ïa ka jaka pdeng. Da kaba ïatreilang bad ki mar ba pawnam jong ka Sweden kum ka Ikea, Volvo, H&M, bad Tetra Pak, ka Oriflame ka la pyni ïa ka jingaiti jong ka ban kyntiew ïa ka jingïadei hapdeng ka India bad ka Sweden lyngba ki jingthmu kiba ïadei bad ka mariang.
Ha katei ka jingïalang, ka stall jong ka Oriflame ka la pawnam bha da ka jingpynwandur jong ka kaba lah ban pynduh jait 100%, kaba pyni ia ka jingaiti jong ka brand ïa ka mariang. Ka kompeni ka la pynpaw da ka jingsngew sarong ba 80% na ki paralok jong ka ha ka brand ki dei ki kynthei, bad ka 85% kaba phylla na ki mar ba la die ha India ki dei kiba la pynmih ha la ka jong ka ri.
Kane ka jingkular ka pynpaw ia ka bynta kaba kongsan jong ka Oriflame ha kaba pynkupbor ia ki kynthei bad ban noh synniang sha ka ioh ka kot jong ka ri India. Ka Edyta Kurek, ka nongsynshar ba rangbah bad ka khlieh jong ka ri India, ka la pynksan ïa ka thong jong ka brand: “Ngi thrang ban pynkupbor ïa ki million ngut ki kynthei da kaba tyrwa ïa ki ïa ka jinglaitluid ha ka liang ka pisa tyngka lyngba ka rukom treikam jong ngi.”
