U Symbud Myntri Rangbah ka Jylla ba khmih ia ka tnat ka tnat Urban Affairs u Bah Sniawbhalang Dhar ula lum ia ka jingialang bishar kam halor ka jingiaid jong ka jingtei jong ka project Meghalaya Transport Corporation (MTC).
Ka project ba la mang T.216 klur la tei ha ka jaka jong ka Meghalaya Transport Corporation (MTC) kaba don ha Khyndailad.
Haba iakren sha ki lad pathai khubor u Bah Sniawbha ula ong “Nga la shong jingialang bishar kami a kane ka project hynnin ka sngi”.
“Phin sa iohi ia ka Police Bazaar (Khyndai Lad) kaba thymmai hadien bala dep kane ka project bad kan long kum ki jingtei ha Singapore” ula ong.
Ula pyntip ba ka Sorkar ka la thmu ban shna ia ka hotel bad kiwei ki jingtei ba lah ban pyndonkam bun rukom, ka ban sa pyndep hapoh ka ar snem shiteng bad ia ka Ophis jong ka MTC la pynkynriah sha Mawiong.
