Ka Projek ‘Skywalk’ kan pynshlur ia ki paidbah ban iaid kjat ha Shillong

U Myntri Rangbah ka Jylla u Conrad K Sangma hynne ka sngi ula pynpaw ba u don ia ka jingangnud ban pynkylla ia ka Shillong kum ka ‘Nongbah ki nongiaid kjat suda’ (Walkable City). Haba pyntip ia kane ka jingthmu, u Conrad ula iathuh ba ka Sorkar Jylla ka la rai ban pynsangeh shuwa shipor ia ka jingthmu ban tei da ka Skywalk hapoh ka Nongbah namar ki don ki jyrwit jyrwat.

U Conrad ula ong ba ka Project Skywalk ka dei kaba la tyrwa kum shibynta na ki sienjam ban weng ia ka jingkhap ngiah jong ka Nongbah khamtam haba ia dei bad ka jingbun kali, da kaba pynshlur ia ki paidbah ban iaid kjat.“Ngi la don jingthmu ban buh ia ka skywalk ha kawei na ki jaka hynrei la ai jingmut ia ngi ban nym pat pyntrei ia ka kam namar kan nang pynjur shuh shuh ia ka jingdheng kali katba ka kam ka dang iaid” la ong u Conrad.

U Conrad ual ong, “Katba ngim pat ioh ia ki lad ki lynti ban pynieng ia ki kali ban pynduna ia ka jingkhapngiah, ka jingshna ia ka skywalk, ha kane ka por hi la hap ban pynsangeh shuwa namar ka jingdheng kali ha kine ki shisnem shiteng ban wan kan sa nang jur lada ngi sdang noh ia ka jingtei (skywalk) ha kine ki jaka ba la ithuh”.Haba iai ban ia ka jingdonkam ban don da ka Skywalk ula Conrad ula ong “Nga ngeit ba ka Shillong ka lah ban long ka Nongbah ki nongiaid kjat namar ki shnong ki thaw kim dei kiba jngai bad kumta lada ngi don ia ki lynti iaid kjat kiba lah ban shakri ia ki paidbah ka Jylla, nga tharai bun ki paidbah ka Shillong kin jied ban pynieng ia la ki kali ha ki jaka pynieng kali bad sa iaid kjat noh”.