Watla ka la don ka jingsuba ba ka United Democratic Party (UDP) bad ka Hill State People’s Democratic Party (HSPDP) kin ym iatreilang ha ka ilekshon MDC ban wan, hynrei na ka liang u President ka UDP u Bah Metbah Lyngdoh ula kam ba kine artylli ki seng Rilum hapoh ka lama ka Regional Democratic Alliance (RDA) kin iatreilang ha ka ilekshon MDC.
U Bah Metbah ula ong “Kane ka long shai bad kadei kaei kaba ngi la shim haka jingialang jong ka Central Executive Committee (CEC). Katkum kaei ka rai ba ngi la shim naduh ba ngi iakhun haka ilekshon MP 2024 ba ngin ia don ryngkat bad kala don shibun ka jingiakren ruh. Naka liang jong nga bad naka liang u President ka HSPDP, ba kane ka jingiatreilang ryngkat kam dei ban kut tang haka MP ilekshon hynrei wat haki MDC ilekshon bad kiwei ruh”.
“Ka RDA ka nang don kumba ka dang don mynta” ula bynrap. Haba iadei bad ka jingpynkhreh iaka ilekshon MDC, u President ka UDP ula kubur baka Party kala sdang iaki jingdonkam haba iadei bad ka jingithuh iaki kyrtong. U Bah Metbah ula pyntip ba haduh mynta ka UDP kam pat khot thep kyrteng naka bynta ban iakhun ilekshon MDC hynrei ka Party kala don lypa ki MDC, bad ki don ruh kiwei ki MDC na kiwei ki Party kiba kwah ban iakhun naka UDP.
“Ngi long kiba la pynkhreh ban iakhun bad kino kino ki Party khlem da niew kyrteng iano iano ruh. Ngin iakhun beit halor ki nongrim jong ka Party” la ong u Bah Metbah haba kylli halor ka jingbeh ka lyer jong ka Voice of the People’s Party haka ilekshon MDC.
