Ka shong haka rai u Lamphang ka iing dorbar ban thung ne ied nongialam ka Liangpyrshah (Leader of Opposition) jong ka iingdorbar. Ia kane la ong da u nongialam ka TMC u Dr Mukul Sangma u badei ruh u Myntri Rangbah Barim, haba kylli halor ka donkam ban thung Nongialam Liangpyrshah. Lah ban kdew ba u MLA ka Mylliem u Bah Ronnie V Lyngdoh naka Congress ula shah jied kum u Nongialam ka Liangpyrshah ka iingdorbar ha u snem 2023 hadien baka Congress kala jop 5 ngut ki MLA.
Hynrei haka 19 tarik Nailar 3 ngut ki MLA ka Congress kila rung noh shaka NPP bad iaka ba mynta ka Congress ka don satang 1 MLA hadien ba u Saleng Sangma ula ieh kam noh kum u MLA hadien ba u la jong kum u MP ka Tura.
“Ki don katto katne kiei kiei kiba la kheiñ ba ki dei kiba la pynshong nongrim ha ka riti dustur hi bad ka rukom leh hapoh ka ïing dorbar. Kumta, ngam lap ia kano kano ka jingbym shai namar ba ka jingkitkhlieh baroh kawei ka shong ha u Lamphang ka ingdorbar” la ong u Mukul.
